banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:449
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3969
ເດືອນນີ້:ເດືອນນີ້:8983
ທັງໝົດ:ທັງໝົດ:207946

Lao National Radio

radio

ແຜນທີແຂວງ ອັດຕະປື

administrative map

 

 

ເພື່ອສືບຕໍ່ ປະຕິບັດນະໂຍບາຍ ໃຫ້ພະນັກງານ - ນັກຮົບ ທີ່ໄດ້ມີຄຸນງາມ ຄວາມດີ ປະກອບສ່ວນ ເຂົ້າໃນພາລະກິດ ຮັບໃຊ້ຊາດ ປະຊາທິປະໄຕ ໃນສະໄໝ ສົງຄາມ ມາໃນ ວັນທີ 7 ກັນຍາ 2017 ພະແນກ ແຮງງານ ສະຫວັດດີ - ສັງຄົມ ແຂວງ ອັດຕະປື ໄດ້ຈັດພິທີ ມອບ-ຮັບ ເງິນນະໂຍບາຍ ອຸດໜູນ ຜູ້ເສຍຊີວິດ ເພື່ອຊາດ ໃນປາງສົງຄາມ ຂຶ້ນທີ່ພະແນກ ດັ່ງກ່າວ ໂດຍໃຫ້ກຽດ ເຂົ້າຮ່ວມຂອງ ທ່ານ ສຸກສະໄໝ ຈັນທະມາດ ຄະນະປະຈຳພັກແຂວງ ຮອງເຈົ້າແຂວງ, ມີທ່ານນາງ ອຳຄາ ສີຫາລາດ ກຳມະການ ພັກແຂວງ ຫົວໜ້າພະແນກ ແຮງງານ ສະຫວັດດີການ - ສັງຄົມ ແຂວງ, ມີບັນດາທ່ານ ພະນັກງານ ກ່ຽວຂ້ອງ ແລະ ຕ່າງໜ້າ ຄອບຄົວ ຜູ້ເສຍຊີວິດ ເຂົ້າຮ່ວມ. ເງິນນະໂຍບາຍ ອຸດໜູນ ໃຫ້ຄອບຄົວ ຜູ້ເສຍຊີວິດ ໃນປາງສົງຄາມ ທີ່ທາງພະແນກ ແຮງງານ ສະຫວັດດີການ - ສັງຄົມ ແຂວງ ນໍາມາມອບ ໃນຄັ້ງນີ້ ແມ່ນໄດ້ມອບ ໃຫ້ຕ່າງໜ້າ ຄອບຄົວພະນັກງານ ນັກຮົບ ຜູ້ຖືກເສຍຊີວິດ ເພື່ອປະເທດຊາດ ໃນປາງສົງຄາມ ມີຢູ່ໃນ 2 ເມືອງ ຄື: ເມືອງຊານໄຊ ຈຳນວນ 22 ທ່ານ ແລະ ເມືອງ ໄຊເສດຖາ ມີ 16 ທ່ານ ລວມເງິນ ນະໂຍບາຍ ທັງໝົດ 386 ລ້ານກວ່າກີບ, ນັບແຕ່ປີ 2011 ມາຮອດ ປັດຈຸບັນ ແຂວງ ອັດຕະປື ໄດ້ນະໂຍບາຍ ອຸດໜູນ ພະນັກງານ ປະຕິວັດ ລວມທັງອອກ ການເຄິ່ງທາງ ແລະ ເສຍຊີວິດ ສະໄໝສົງຄາມ ມີຈຳນວນ 225 ທ່ານ ລວມເປັນ ເງິນນະໂບຍາຍ ທັງໝົດ 4 ຕື້ 900 ລ້ານ ກວ່າກີບ, ສຳລັບໃນຕໍ່ໜ້າ ທາງພະແນກ ແຮງງານ ສະຫວັດດີການ - ສັງຄົມ ແຂວງ ຈະສົມທົບ ກັບການນຳ ກ່ຽວຂ້ອງ ຂັ້ນແຂວງ ສືບຕໍ່ຊົດເຊີຍ ອຸດໜູນນະ ໂຍບາຍພະນັກງານ ຜູ້ມີຜົນງານ ຄວາມດີ ຕໍ່ປະເທດຊາດ ຢູ່ແຂວງ ອັດຕະປື ຕາມຕົວເລກ ທີ່ຍັງມີຢູ່ ຈຳນວນ 7.000 ກວ່າຄົນ ຕື່ມອີກ ຈົນກວ່າ ໄດ້ຮັບຄຳສັ່ງ ຈາກຂັ້ນເທິງ.

ໃນໂອກາດ ດຽວກັນ ທ່ານ ສຸກສະໄໝ ຈັນທະມາດ ຄະນະປະຈຳພັກແຂວງ ຮອງເຈົ້າແຂວງ ອັດຕະປື ກໍ່ຍັງໃຫ້ການໂອ້ລົມ ຕໍ່ຄອບຄົວ ຜູ້ຖືກເສຍຊີວິດ ທີ່ໄດ້ຮັບເງິນອຸດໜູນ ຊົດເຊີຍ ຕໍ່ຜົນງານ ການປະກອບສ່ວນ ຂອງພະນັກງານ ນັກຮົບ ໃນການ ປະຕິບັດໜ້າທີ່ ປົກ​ປັກ ​ຮັກສາສ້າງສາ ພັດທະນາ ປະເທດຊາດ ທັງເປັນການຈາລຶກ ຄຸນງາມຄວາມດີ ຂອງນັກປະຕິວັດ ທີ່ເສຍສະຫຼະຊີວິດ ຂອງຕົນ ເພື່ອປົກປ້ອງປະເທດຊາດ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008