banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:451
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3971
ເດືອນນີ້:ເດືອນນີ້:8985
ທັງໝົດ:ທັງໝົດ:207948

Lao National Radio

radio

ແຜນທີແຂວງ ອັດຕະປື

administrative map

 

 

ໃນຕອນເຊົ້າ ວັນທີ 1 ກັນຍາ 2017 ເມືອງ ສາມັກຄີໄຊ ໄດ້ຈັດພິທີ ເຜີຍແຜ່ປະຫວັດ ແລະ ມູນເຊື້ອ ຂອງວັນສ້າງຕັ້ງ ແນວລາວສ້າງຊາດ ຄົບຮອບ 65 ປີ (13/8/1950 - 13/8/2015) ຂຶ້ນ ໂດຍການ ເປັນປະທານ ແລະ ໃຫ້ກຽດ ເຜີຍແຜ່ ຂອງ ສະຫາຍ ສີທັດ ອິນທີວົງ ກຳມະການ ສູນກາງແນວລາວ ສ້າງຊາດ ອາດີດປະທານ ແນວລາວ ສ້າງຊາດ ແຂວງ ອັດຕະປື, ມີຄະນະກຳມະການ ສູນກາງແນວລາວ ສ້າງຊາດ ແຂວງ, ເມືອງ, ຄະນະນຳ ຂັ້ນແຂວງ, ເມືອງ, ຜູ້ສູງຄຸນວຸດທິ, ສາສະໜາ ແລະ ພະນັກງານ - ລັດຖະກອນ ເຂົ້າຮ່ວມຮັບຟັງ ຢ່າງພ້ອມພຽງ. ໃນໂອກາດດຽວກັນ ສະຫາຍ ສີທັດ ອິນທີວົງ ກຳມະການສູນກາງ ແນວລາວ ສ້າງຊາດ ອາດີດ ປະທານແນວລາວ ສ້າງຊາດ ແຂວງອັດຕະປື ໄດ້ຍົກໃຫ້ເຫັນ ເຖິງປະຫວັດ ມູນເຊື້ອ ແຫ່ງການກຳເນີດ ເຕີບໃຫຍ່ ຂະຫຍາຍຕົວ ຂອງແນວລາວ ສ້າງຊາດ ໂດຍເລີ່ມແຕ່ ໄລຍະ ສ້າງຕັ້ງເປັນແນວລາວ ອິດສະຫຼະ ໃນວັນທີ 13 ສິງຫາ 1950 ແລະ ໄດ້ປ່ຽນຊື່ ມາເປັນແນວລາວ ຮັກຊາດ ໃນປີ 1956 ແລະ ມາຮອດ ວັນທີ 16-20 ກຸມພາ 1979 ຄະນະກໍາມະການ ສູນກາງ ແນວລາວຮັກຊາດ ໄດ້ມີມະຕິປ່ຽນຊື່ ແນວລາວຮັກຊາດ ມາເປັນແນວລາວ ສ້າງຊາດ ຈົນເຖິງປະຈຸບັນ, ຕະຫຼອດໄລຍະ 67 ປີຜ່ານມາ ແນວລາວສ້າງຊາດ ກໍ່ໄດ້ຍົກສູງ ບົດບາດ ໃນການ ເປັນຂົວຕໍ່ທີ່ດີ ລະຫວ່າງ ມະຫາຊົນ ກັບພັກ ແລະ ລະຫວ່າງ ປະຊາຊົນ ກັບລັດ ທັງເຮັດໜ້າທີ່ ເຕົ້າໂຮມ ກ້ອນກໍາລັງ ສາມັກຄີປອງດອງ ທົ່ວປະເທດ, ໂຄສະນາ - ສຶກສາອົບຮົມ ປະຊາຊົນລາວ ບັນດາເຜົ່າ ຢ່າງກວ້າງຂວາງ ເພື່ອປະຕິບັດ 2 ໜ້າທີ່ຍຸດທະສາດ ຄື: ປົກປັກຮັກສາ ແລະ ສ້າງສາ ພັດທະນາ ປະເທດຊາດ ຢ່າງຮອບດ້ານ ແລະ ມີຫຼັກການຂອງພັກ ເຊິ່ງໄດ້ປະກອບສ່ວນ ອັນສໍາຄັນ ໃຫ້ແກ່ການ ຫຼຸດຜ່ອນ ຄວາມທຸກຍາກ ຂອງປະຊາຊົນ ບັນດາເຜົ່າ ເທື່ອລະກ້າວ ແລະ ສ້າງເງື່ອນໄຂ ໃຫ້ແກ່ການນໍາພາ ປະເທດຊາດ ຫຼຸດພົ້ນ ສະຖານະພາບ ປະເທດດ້ອຍ ພັດທະນາ ໃນປີ 2020.

 

ສະຫາຍ ສີທັດ ອິນທີວົງ ກຳມະການ ສູນກາງແນວລາວ ສ້າງຊາດ ອາດີດປະທານ ແນວລາວ ສ້າງຊາດແຂວງ ອັດຕະປື ໄດ້ຮຽກຮ້ອງ ໃຫ້ບັນດາ ສະຫາຍ ຜູ້ເຂົ້າຮ່ວມ ກອງປະຊຸມໃນ ຄັ້ງນີ້ ຈົ່ງເອົາໃຈໃສ່ ເສີມຂະຫຍາຍ ມູນເຊື້ອ ຂອງແນວລາວ ສ້າງຊາດ ເຂົ້າໃນການ ເຄື່ອນໄຫວ ພາລະກິດ ປົກປັກຮັກສາ ແລະ ສ້າງສາ ປະເທດຊາດ ເປັນຕົ້ນ: ເພີ່ມທະວີ ກ້ອນກຳລັງ ມະຫາສາມັກຄີ ທົ່ວປວງຊົນ ຖືເອົາຄວາມສາມັກຄີ ເປັນອັນໜຶ່ງອັນດຽວ ທົ່ວປວງຊົນ ເປັນປັດໄຈ ຕັດສິນ ການຄົງຕົວ ແລະ ຂະຫຍາຍຕົວ ຂອງຊາດ; ປຸກລະດົມ ກຳລັງແຮງ ຂອງປະຊາຊົນ ທຸກຊົນເຜົ່າ, ທຸກຊັ້ນຄົນ, ສາສະໜາ ແລະ ເພດໄວ ເຂົ້າຮ່ວມ ໃນທຸກຂະແໜງ ວຽກງານ ໃນພາລະກິດ ປ່ຽນແປງໃໝ່ ໃຫ້ໄດ້ຮັບຜົນ ສຳເລັດ ໃຫຍ່ຫຼວງ ກວ່າເກົ່າ ພິເສດ ນອກຈາກ ໄດ້ຮັບຟັງ ການເຜີຍແຜ່ ມູນເຊືອປະຫວັດ ຂອງວັນສ້າງຕັ້ງ ແນວລາວສ້າງຊາດ ຄົບຮອບ 67 ປີ ຜູເຂົ້າຮ່ວມ ຍັງໄດ້ຮັບຟັງ ການເຜີຍແຜ່ ເອກະສານອື່ນໆ ທີກ່ຽວຂ້ອງ ຈຳນວນໜຶ່ງ ອີກດ້ວຍ. ​

 ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008