banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:444
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3964
ເດືອນນີ້:ເດືອນນີ້:8978
ທັງໝົດ:ທັງໝົດ:207941

Lao National Radio

radio

ແຜນທີແຂວງ ອັດຕະປື

administrative map

 

 

ອີງຕາມ ກົດໝາຍ ວ່າດ້ວຍການ ປົກຄອງທ້ອງຖິ່ນ ສະບັບປັບປຸງ ເລກທີ 68/ສພຊ ລົງວັນທີ 14 ທັນວາ 2015 ໝາດທີ VI ມາດຕາ 20 ວ່າດ້ວຍສິດ ແລະ ໜ້າທີ່ຂອງເຈົ້າແຂວງ, ພັກ-ລັດ ກໍ່ຄືອົງການ ປົກຄອງແຂວງ ອັດຕະປື ໄດ້ເຫັນດີ ໃຫ້ບໍລິສັດ ສະຫວັນ ກໍ່ສ້າງ-ສ້ອມແປງ ເຄຫາສະຖານ ສຳປະທານ ພັດທະນາໂຄງການ ກໍ່ສ້າງຕະຫຼາດກາງຄືນ ຕາມແຄມຟັ່ງ ແມ່ນ້ຳເຊກອງ ທາງລົງທ່າເຮືອຊ່ວງ ຟາມໄຊ ເມືອງ ສາມັກຄີໄຊ ມີເນື້ອທີ່ ສຳປະທານ 1,5 ເຮັກຕາ, ໄລຍະສຳປະທານ 35 ປີ ແລະ ສາມາດຕໍ່ໄດ້ອີກ 20 ປີ, ມີມູນຄ່າລົງທຶນ ການກໍ່ສ້າງ 18 ຕື້ກວ່າກີບ ແລະ ກຳນົດໄລຍະ ການກໍ່ສ້າງ ໃຫ້ສຳເລັດ ພາຍໃນ 1 ປີ. ເພື່ອເປັນການ ຢັ້ງຢືນເຖິງຕໍ່ການ ອະນຸມັດດັ່ງກ່າວ ໃນວັນທີ 30 ສິງຫາ 2017 ຜ່ານມາ ຢູ່ທີ່ຫ້ອງປະຊຸມ ສະພາປະຊາຊົນ ແຂວງອັດຕະປື ພະແນກແຜນການ ແລະ ການລົງທຶນ ແຂວງອັດຕະປື ໄດ້ຈັດພິທີ ເຊັນສັນຍາ ກ່ຽວກັບໂຄງການ ກໍ່ສ້າງຕະຫຼາດກາງຄືນ ຂຶ້ນຢ່າງເປັນທາງການ ຮ່ວມລົງນາມ ເຊັນສັນຍາ ຕ່າງໜ້າຝ່າຍ ແຂວງອັດຕະປື ມີ ທ່ານ ສຸລິຈັນ ພອນແກ້ວ ຫົວໜ້າພະແນກ ແຜນການ ແລະ ການລົງທຶນ, ທ່ານ ວີຊຽນ ສະໜາມໄຊ ຫົວໜ້າ ພະແນກ ອຸດສາຫະກຳ ແລະ ການຄ້າແຂວງ, ທ່ານ ລັດສະໝີ ວັນໄຊ ຫົວໜ້າພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມແຂວງ, ທ່ານ ນາງ ພຸດມະໄລພອນ ຮອງເຈົ້າເມືອງ ສາມັກຄີໄຊ ແລະ ລົງນາມຝ່າຍບໍລິສັດ ແມ່ນທ່ານ ນາງ ໄຍ ອ້ວນວິໄລ ອຳນວຍການ ບໍລິສັດ ສະຫວັນ ກໍ່ສ້າງ-ສ້ອມ ແປງເຄຫາສະຖານ ໂດຍຊ່ອງໜ້າ ທ່ານ ສຸກສະໄໝ ຈັນທະມາດ ຮອງເຈົ້າແຂວງ ອັດຕະປື ພ້ອມດ້ວຍ ພາກສ່ວນກ່ຽວຂ້ອງ ທັງສອງຝ່າຍ ເຂົ້າຮ່ວມ.

ໂຄງການພັດທະນາ ຕະຫຼາດກາງຄືນ ທີ່ບໍລິສັດ ສັດສະຫວັນ ກໍ່ສ້າງ-ສ້ອມແປງ ເຄຫາສະຖານ ສຳປະທານນີ້ ແມ່ນເປັນໂຄງການໜຶ່ງ ທີ່ມີຄວາມສຳຄັນ ໃນການພັດທະນາ ເສດຖະກິດ-ສັງຄົມ ຂອງແຂວງ ເຊິ່ງຖ້າຫາກວ່າ ໂຄງການນີ້ສຳເລັດ ຈະເປັນການ ປະກອບສ່ວນ ເຂົ້າໃນການພັດທະນາ ເສດຖະກິດ-ສັງຄົມ ຂອງແຂວງ ເປັນຕົ້ນແມ່ນ ແຂວງຈະໄດ້ລາຍຮັບ ເຂົ້າງົບປະມານ ຈາກໂຄງການດັ່ງກ່າວ ເພີ່ມປະມານ 200 ລ້ານກີບ/ປີ ແລະ ການທີ່ອົງການ ປົກຄອງແຂວງ ອັດຕະປື ຍະນຸຍາດໃຫ້ ພາກເອກະຊົນລົງທຶນ ພັດທະນາໂຄງການ ຕະຫຼາດກາງຄືນນີ້ ແມ່ນສອດຄ່ອງ ກັບວິໄສທັດ ດ້ານການ ພັດທະນາ ຂອງແຂວງແຕ່ນີ້ຮອດປີ 2030 ເພື່ອສ້າງໃຫ້ ປະຊາຊົນແຂວງ ອັດຕະປື ມີວຽກເຮັດງານທຳ, ດຶງດູດເອົາ ບັນດານັກລົງທຶນ ທັງພາຍໃນ ແລະ ຕ່າງປະເທດ ແລະ ນັກທ່ອງທ່ຽວ ໃຫ້ນັບມື້ຫຼາຍຂຶ້ນ, ສ້າງແຂວງ ອັດຕະປື ໃຫ້ກາຍເປັນແຂວງ ສີຂຽວ, ມີສະເໜ່, ສະຫງົບ ປອດໄພ ກາຍເປັນທາງຜ່ານ ການທ່ອງທ່ຽວພາຍໃນ ເຊື່ອມໂຍງກັບພື້ນ ແລະ ສາກົນໃນອະນາຄົດ.

ໂດຍ: ມາລາທິບ 98810753

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008