banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:444
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3964
ເດືອນນີ້:ເດືອນນີ້:8978
ທັງໝົດ:ທັງໝົດ:207941

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື-ກອນຕູມ ເພີ່ມທະວີ ສາຍພົວພັນ ມິດຕະພາບ: ເພື່ອຮັດແໜ້ນ ຄວາມສາມັກຄີພິເສດ ແລະ ການຮ່ວມມື ຮອບດ້ານ ລະຫວ່າງ ສອງຊາດ ຫວຽດ-ລາວ ກໍຄື ສອງແຂວງ ອັດຕະປື-ກອນຕຸມ ສສ ຫວຽດນາມ ໃຫ້ມີບາດກ້າວ ຂະຫຍາຍຕົວຍິ່ງຂຶ້ນ. ວັນທີ 17 ສິງຫາ 2017 ທ່ານ ປອ ນາມ ວິຍະເກດ ກຳມະການ ສູນກາງພັກ ເລຂາພັກແຂວງ ອັດຕະປື ພ້ອມຄະນະນຳ ຂອງແຂວງ ໄດ້ຕ້ອນຮັບ ທ່ານ ຫຽວຽນ ວັນຮຸ່ງ ກຳມະການ ສູນກາງພັກ ເລຂາ ພັກແຂວງ ປະທານ ສະພາປະຊາຊົນ ແຂວງ ກອນຕຸມ ພ້ອມຄະນະ ທີ່ໄດ້ເດີນທາງ ມາເຮັດວຽກທາງການ ເພື່ອສະເຫຼີມສະຫຼອງ ເນື່ອງໃນວັນເຊັນ ສົນທິສັນຍາ ການຮ່ວມມື ຫວຽດນາມ-ລາວ (18/7/1977-18/7/2017) ຄົບຮອບ 40 ປີ ແລະ ວັນສ້າງຕັ້ງ ສາຍພົວພັນ ການທູດ ລະຫວ່າງ ສອງປະເທດ (5/9/1962-5/9/2017) ຄົບຮອບ 55 ປີ, ພິທີພົບປະ ໄດ້ຈັດຂຶ້ນຢູ່ ທີ່ຫ້ອງວ່າການ ປົກຄອງແຂວງ. ໃນການມາ ຢ້ຽມຢາມ ຂອງຄະນະນຳ ຂັ້ນສູງຂອງແຂວງ ກອນຕູມ ສສ ຫວຽດນາມ ທ່ານ ປອ ນາມ ວິຍະເກດ ເຈົ້າແຂວງ ອັັດຕະປື ໄດ້ຕີລາຄາສູງ ຕໍ່ທາງການ ການນຳຂັ້ນສູງ ຂອງແຂວງ ໃກ້ຄຽງ ທີ່ໄດ້ນຳເອົາ ນ້ຳໃຈສາມັກຄີ ຮັກແພງ ຖານອ້າຍນ້ອງ, ຄວາມສາມັກຄີ ພິເສດສ່ວນຕົວ ເຊິ່ງເປັນໂອກາດ ອັນດີ ທີ່ໄດ້ມີ ການພົບປະ ເພື່ອແລກປ່ຽນ ບາງທັດສະນະ ພ້ອມທັງ ເຂົ້າຮ່ວມພິທີ ສະເຫຼີມສະຫຼອງ ສອງວັນປະຫວັດສາດ ລະຫວ່າງ ລາວ-ຫວຽດນາມ ເຖິງວ່າ ໃນຕະຫຼອດ ໄລຍະທີ່ຜ່ານມາ ສອງແຂວງ ໄດ້ມີຄວາມບຸກບືນ ເອົາໃຈໃສ່ ຕໍ່ກັນກໍ່ຕາມ ແຕ່ຍັງເຫັນວ່າ ມີຫຼາຍບັນຫາ ຈະຕ້ອງໄດ້ສືບຕໍ່ ພົບປະກັນຕື່ມອີກ ບໍ່ວ່າ ທາງຂະແໜງການ ປ້ອງກັນຊາດ - ປ້ອງກັນ ຄວາມສະຫງົບ ລຽບຕາມບໍລິ ເວນຊາຍແດນ, ຂະແໜງ ການສຶກສາ ກໍ່ຄື ການຊ່ວຍເຫຼືອ ໃນການພັດທະນາ ບຸກຄະລາກອນ, ຊັບພະຍາກອນມະນຸດ ແລະ ຂະແໜງການ ອື່ນໆ ເຊິ່ງໃນຕໍ່ໜ້າ ຄະນະຜູ້ແທນ ທັງສອງແຂວງ ຈະຕ້ອງໄດ້ສຶບຕໍ່ ຊີ້ນຳແຜນພັດທະນາ ໂຄງການຮ່ວມມືສອງແຂວງ ເຊັ່ນ: ໂຄງການ ຍົກລະດັບເສັ້ນທາງ 18B ການລົງທຶນ ໂຄງການ ປູກຝັງ-ລ້ຽງສັດ, ໂຄງການ ປູກໄມ້ກິນໝາກ, ໂຄງການ ປູກໄມ້ອຸດສາຫະກຳ ສົ່ງເສີມການຜະລິດ ກະສິກຳໃຫ້ຫຼາຍ ເພື່ອເປັນການ ສ້າງລາຍຮັບ ຂອງປະຊາຊົນ ນອກຈາກນີ້ ກໍ່ຍັງມີບັນຫາອື່ນໆ ຕື່ມອີກ ເປັນຕົ້ນແມ່ນ ບັນຫາເລື່ອງການ ປົກປັກຮັກສາ ຊັບພະຍາກອນ ທຳມະຊາດ ລຽບຕາມຊາຍແດນ ແລະ ບັນຫາການ ຄົມມະນາຄົມ ຂ້າມຊາຍແດນ ທີ່ຄະນະການນຳ ທັງສອງຈະຕ້ອງໄດ້ ເພີ່ມທະວີ ປືກສາຫາລື ຮ່ວມກັນແກ້ໄຂ ໃຫ້ໃຫ້ດີຂຶ້ນ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008