banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:447
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3967
ເດືອນນີ້:ເດືອນນີ້:8981
ທັງໝົດ:ທັງໝົດ:207944

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ສະຫຼອງສອງວັນ ປະຫວັດສາ ລາວ - ຫວຽດນາມ: ວັນທີ 17 ສິງຫາ 2017 ທີ່ຫໍປະຊຸມໃຫຍ່ ຂອງແຂວງ ອັດຕະປື ໄດ້ຈັດພິທີ ສະເຫຼີມສະຫຼອງ ຫວນຄືນ ມູນເຊື້ອ 2 ວັນ ປະຫວັດສາດ ລາວ-ຫວຽດ ໂດຍມີ ທ່ານ ຫຽວຽນ ວັນຮຸ່ງ ກຳມະການ ສູນກາງພັກ ຄອມມູນນິດ ສສ ຫວຽດນາມ ເລຂາພັກແຂວງ ປະທານສະພາ ປະຊາຊົນແຂວງ ກອນຕູມ ສສ ຫວຽດນາມ, ມີທ່ານ ປອ ນາມ ວິຍະເກດ ກຳມະການ ສູນກາງພັກ ປະຊາຊົນ ປະຕິວັດລາວ ເລຂາພັກແຂວງ ເຈົ້າແຂວງ ອັດຕະປື, ບັນດາທ່ານ ຄະນະນຳຂັ້ນສູງ ຂອງສອງແຂວງ ແລະ ພະນັກງານ, ສະມາຊິກພັກ ໃນທົ່ວແຂວງເຂົ້າຮ່ວມ.

ວັນເຊັນສັນຍາ ມິດຕະພາບ - ການຮ່ວມມື ຮອບດ້ານ ລາວ-ຫວຽດນາມ ຄົບຮອບ 40 ປີ (18/07/1977- 18/07/ 2017) ແລະ ວັນສ້າງຕັ້ງສາຍ ພົວພັນການທູດ ລາວ-ຫວຽດ ຄົບຮອບ 55 ປີ (05/09/ 1962- 05/09/2017) ໃນປີນີ້ ທ່ານ ປອ ນາມ ວິຍະເກດ ເຈົ້າແຂວງ ອັດຕະປື ໄດ້ຍົກໃຫ້ເຫັນວ່າ: ມູນເຊື້ອຂອງ 2 ວັນປະຫວັດສາດ ຫວ່າງສອງຊາດ ລາວ-ຫວຽດ, ຫວຽດ-ລາວ ເປັນມູນເຊື້ອ ອັນດີງາມ ຜ່ອງໃສມາແຕ່ ດົນນານ ແລະ ໄດ້ຮັບການ ຖະນຸຖະໜອມ ເພີ່ມພູນຄູນສ້າງ ໃຫ້ນັບ ມື້ແໜ້ນແຟ້ນ ມີປະສິດທິຜົນຍິ່ງໆ ຂຶ້ນຕະຫຼອດມາ ໂດຍພາຍໃຕ້ ການລິເລີ່ມ ຂອງຜູ້ນຳ ທັງສອງຊາດ, ສອງ ພັກ-ສອງລັດ, ເປັນສາຍພົວພັນ ສາມັກຄີອັນ ບໍລິສຸດຜຸດຜ່ອງ ແລະ ກາຍເປັນມໍລະດົກ ອັນລໍ້າຄ່າ ໃຫ້ແກ່ສອງຊາດ ລາວ-ຫວຽດ ທາງກວ້າງ ແລະ ທາງເລິກ. ພິເສດ ປະສົງອັນຕົ້ນຕໍ ແມ່ນເພື່ອ ແນໃສ່ເຮັດ ໃຫ້ພະນັກງານ - ສະມາຊິກພັກ - ນັກຮົບ ໃນທົ່ວແຂວງ ອັດຕະປື ເຫັນໄດ້ເຫດການ, ມູນເຊື້ອ ແຫ່ງການພົວພັນ ມິດຕະພາບ ຄວາມສາມັກຄີ ແບບພິເສດ ແລະ ການຮ່ວມມື ຮອບດ້ານ ເຊິ່ງເປັນປັດໃຈ ພື້ນຖານຕັດສິນ ໄຊຊະນະຂອງການ ປະຕິວັດຂອງ ສອງປະເທດ ແລະ ເປັນການສະແດງ ຄວາມຮູ້ບຸນຄຸນ ຂອງພັກ-ລັດຖະບານ ແລະ ປະຊາຊົນ ບັນດາເຜົ່າ ທັງສອງຊາດ ເພື່ອຄວາມ ເປັນເອກະລາດ ຂອງຊາດ ກໍ່ຄືພາລະກິດ ປົກປັກຮັກສາ ແລະ ສ້າງສາ ພັດທະນາປະເທດຊາດ ໃນປັດຈຸບັນ ໃຫ້ຈະເລີນງອກງາມ ຍິ່ງຂຶ້ນ, ໃນໂອກາດ ສະເຫຼີມສະຫຼອງ ສອງວັນປະຫວັດສາດ ລາວ - ຫວຽດນາມ, ຄະນະນຳ ທັງສອງແຂວງ ຍັງໄດ້ນຳມີການສະເເດງ ສິລະປະວັນນະດີ ຮ່ວມກັນ, ຕະຫຼອດໃນງານ ຍັງໄດ້ມີການ ວາງສະເເດງສິນຄ້າ ຕະຫຼາດນັດ ເຊິ່ງມີສິນຄ້າ ຫັດຖະກຳ ທ້ອງຖິ່ນພາຍແຂວງ ແລະ ຕ່າງແຂວງ ຈຳນວນໜຶ່ງ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008