banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:462
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3982
ເດືອນນີ້:ເດືອນນີ້:8996
ທັງໝົດ:ທັງໝົດ:207959

Lao National Radio

radio

ແຜນທີແຂວງ ອັດຕະປື

administrative map

 

 

ອາດີດເລຂາ ທິການໃຫຍ່ ເນັ້ນໃຫ້ແຂວງອັດຕະປື ສ້າງເມືອງເຂັ້ມແຂງ ຮອບດ້ານ ດ້ວຍຄວາມເປັນຫ່ວງ ເປັນໃຍ ຂອງອາດີດ ຜູ້ນຳ ພັກ-ລັດ ທີ່ມີຕໍ່ຄະນະພັກ, ຄະນະນຳຂັ້ນເມືອງ ໃນການນຳພາຮາກຖານ ໃຫ້ມີຄວາມເຂັ້ມແຂງ ກໍ່ຄືຄວາມ ເປັນຫ່ວງເປັນໃຍ ຕໍ່ການພັດທະນາຊີວີດ ການເປັນຢູ່ ຂອງປະຊາຊົນ ບັນດາເຜົ່າ ໃຫ້ມີຄຸນນະພາບ ຊີວິດດີຂື້ນ. ໃນອາທິດ ທີ່ຜ່ານມານີ້ ທ່ານ ຈູມມະລີ ໄຊຍະສອນ ອາດີດ ເລຂາທິການໃຫຍ່, ອາດີດ ປະທານປະເທດ ໄດ້ເຄື່ອນໄຫວ ຢ້ຽມຢາມ ເມືອງ ສະໜາມໄຊ, ພູວົງ, ໄຊເສດຖາ, ຊານໄຊ ແລະ ເມືອງສະໝັກຄີໄຊ ເພື່ອພົບປະໂອ້ລົມ ພະນັກງານ ການນຳຂອງເມືອງ, ພະນັກງານ ຫຼັກແຫຼ່ງ ຕະຫຼອດຮອດ ເລຂາຄະນະພັກ ຮາກຖານ ແລະ ນາຍບ້ານ.

ໃນໂອກາດ ລົງຢາມຢາມ ແຕ່ລະເມືອງ ພາຍຫຼັງ ໄດ້ຮັບຟັງການ ລາຍງານສະພາບ ການພັດທະນາ ເສດຖະກິດ-ສັງຄົມ ພ້ອມທັງ ບັນຫາ ຂໍ້ສະດວກ, ຂໍ້ຫຍຸ້ງຍາກ, ປະກົດການຫຍໍ້ທໍ້ ແລະ ຂໍ້ສະເໜີຕ່າງໆແລ້ວ ທ່ານ ຈູມມະລີ ໄຊຍະສອນ ອາດີດເລຂາ ທິການໃຫຍ່, ອາດີດ ປະທານປະເທດ ໄດ້ມີຄຳເຫັນ ຊີ້ນຳຫຼາຍບັນຫາ ເພື່ອເປັນທິດ ໃຫ້ຄະນະພັກ, ຄະນະນຳ ຂອງເມືອງ ນຳໄປຈັດຕັ້ງ ຜັນຂະຫຍາຍ ໃຫ້ຖືກທິດ ໂດຍສະເພາະ ແມ່ນການຈັດຕັ້ງ ຜັນຂະຫຍາຍມະຕິ X ຂອງສູນກາງພັກ, ຍົກໃຫ້ເຫັນຄວາມສຳຄັນ ຂອງເນື້ອໃນຈິດໃຈ ຂອງມະຕິ X ໂດຍສະເພາະ ແມ່ນການຜະລິດ ເປັນສິນຄ້າ ນຳໃຊ້ທຸກທ່າແຮງ ເພື່ອສ້າງທ່ວງທ່າ ແກ້ໄຂຄວາມທຸກຍາກ ນຳພາປະເທດຊາດ ຫຼຸດພົ້ນອອກຈາກ ປະເທດດ້ອຍ ພັດທະນາ ກາຍເປັນປະເທດ ທີ່ມີລາຍຮັບ ປານກາງ, ຫັນເປັນປະເທດ ອຸດສະຫະກຳ ທັນສະໄໝ ເນັ້ນໃສ່ຫັນຂົງເຂດ ກະສິກຳເປັນອຸດ ສະຫະກຳປຸງແຕ່ງ ລວມທັງການ ບັນລຸຄາດໝາຍ ສູ້ຊົນດ້ານອື່ນໆ ເຊິ່ງມະຕິດັ່ງກ່າວ ຖືເປັນບາດລ້ຽວ ທີ່ສຳຄັນທາງ ປະຫວັດສາດ ຂອງຊາດ ພາຍໃຕ້ການ ນຳພາຂອງພັກ. ພ້ອມກັນນັ້ນ ທ່ານຍັງໄດ້ ເນັ້ນຄືນ ກ່ຽວກັບການ ຈັດຕັ້ງປະຕິບັດ ວຽກງານສາມສ້າງ ຄື: ສ້າງແຂວງ ເປັນຫົວໜ່ວຍຍຸດທະສາດ, ສ້າງເມືອງເປັນ ຫົວໜ່ວຍເຂັ້ມແຂງ ຮອບດ້ານ ແລະ ສ້າງບ້ານເປັນ ບ້ານພັດທະນາ ໃນນີ້ທ່ານໄດ້ເນັ້ນ ການສ້າງເມືອງ ເຂັ້ມແຂງຮອບດ້ານ ຕາມສີ່ເນື້ອໃນ: ໂດຍເລັ່ງໃສ່ ການສ້າງຄົນ, ສ້າງພັກ, ສ້າງພະນັກງານ ໃຫ້ຮູ້ນຳພາ ເພື່ອຫັນມະຕິ, ຫັນແນວທາງ ລົງປະຕິບັດຕົວຈິງ ຢູ່ຂັ້ນຮາກຖານ ໃຫ້ເປັນຮູບປະທຳ ແລະ ປະຈັກຕາ ໄປພ້ອມໆກັບການ ສ້າງໜ່ວຍພັກແຂງ ຮູ້ນຳພາຮອບດ້ານ ຕ້ອງໄດ້ຕິດພັນ ກັບການສ້າງບ້ານ ພັດທະນາ ເຮັດຢ່າງ ມີຈຸດສຸມ, ເຮັດໃຫ້ມີຕົວແບບ ໂດຍນຳໃຊ້ທ່າແຮງ ຂອງທ້ອງຖິ່ນ ສົ່ງເສີມການ ປູກ-ການລ້ຽງ ປະສານສົມທົບ ກັບທ່າແຮງ ຂອງການລົງທືນ ເພື່ອຜະລີດ ເປັນສິນຄ້າ ສາມາດສ້າງລາຍ ຮັບແກ່ເມືອງ ແລະ ນຳພາປະຊາຊົນ ຫຼຸດພົ້ນຈາກຄວາມ ທຸກຍາກໄດ້.

ນອກຈາກນັ້ນ ກໍ່ຕ້ອງໄດ້ ສົ່ງເສີມສຸຂະພາບ, ສົ່ງເສີມ ການສືກສາ, ສົ່ງເສີມຮີດຄອງ ປະເພດີອັນດີງາມ ຄວາມສາມັກຄີ ບັນດາເຜົ່າ ພ້ອມທັງປຸກລະດົມ ອົງການຈັດຕັ້ງ ມະຫາຊົນ ແລະ ອົງການຈັດຕັ້ງຕ່າງໆ ເຂົ້າຮ່ວມໃນ ທຸກຂະບວນການ ເພື່ອສ້າງຄວາມ ໜັກແໜ້ນເຂັ້ມແຂງ ແກ່ທ້ອງຖິ່ນ ແກ່ຮາກຖານ ແລະ ເປັນທ່າແຮງ ໃນການປະຕິບັດແນວທາງ ໃຫ້ບັນລຸຕາມຄາດໝາຍ ທີ່ວາງໄວ້ ນອກຈາກວຽກງານ ສາມສ້າງແລ້ວ ທ່ານອາດີດ ປະທານພັກ ປະທານປະເທດ ຍັງໄດ້ເນັ້ນຕື່ມ ກ່ຽວກັບການບຸກທະລຸ ດ້ານຈິນຕະນາການ ເພື່ອຫັນປ່ຽນແນວ ຄວາມຄິດໃນການ ພັດທະນາ ສົ່ງເສີມການກ້າຄິດ ກ້າເຮັດ ກ້າຮັບຜິດຊອບ. ເຊິ່ງນອກຈາກ ພົບປະໂອ້ລົມ ແຕ່ລະເມືອງແລ້ວ ທ່ານອາດີດ ເລຂາທິການໃຫຍ່, ອາດີດປະທານ ປະເທດ ຍັງໄດ້ລົງຢ້ຽມຢາມ ພື້ນຖານການຜະລິດ ແລະ ລົງຕິດຕາມ ຊຸກຍູ້ໂຄງການລົງ ທືນຕ່າງໆພາຍໃນ ແຂວງອັດຕະປື ຕື່ມອີກ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008