banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:449
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3969
ເດືອນນີ້:ເດືອນນີ້:8983
ທັງໝົດ:ທັງໝົດ:207946

Lao National Radio

radio

ແຜນທີແຂວງ ອັດຕະປື

administrative map

 

 

ເຈົ້າແຂວງ ຊີ້ນໍາກອງຮ້ອຍ 541 ເຂັ້ມງວດ ລະບຽບຊາຍແດນ: ທ່ານ ປອ. ນາມ ວິຍາເກດ ກຳມະການສູນກາງພັກ, ເລຂາພັກແຂວງ, ເຈົ້າແຂວງອັດຕະປື ໄດ້ລົງຢ້ຽມຢາມ ພົບປະໂອ້ລົມ ກໍາລັງທະຫານຊາຍແດນ ກອງຮ້ອຍ 541 ໃນມື້ ວັນທີ 3 ມີນາ 2017 ໂດຍມີ ຄະນະກອງຮ້ອຍ ພ້ອມດ້ວຍ ອ້າຍນ້ອງ ພາຍໃນກົມກອງ ໃຫ້ການຕ້ອນຮັບ. ໂອກາດດັ່ງກ່າວ ສະຫາຍ ຮ້ອຍໂທ ສົມໄຊ ສີລາເພັດ ໄດ້ລາຍງານສະພາບລວມ ບໍລິເວນຊາຍແດນ ໂດຍສະເພາະ ແມ່ນບັນຫາການ ລັກລອບຂຸດຄົ້ນ ຊັບພະຍາກອນ ທຳມະຊາດ; ຈາກນັ້ນ, ທ່ານເຈົ້າແຂວງອັດຕະປື ກໍ່ໄດ້ມີຄຳເຫັນ ໂອ້ລົມ ເຊິ່ງທ່ານໄດ້ ສະແດງຄວາມຍ້ອງຍໍ ຊົມເຊີຍຕໍ່ ນາຍ ແລະ ພົນທະຫານ ທີ່ໄດ້ເອົາໃຈໃສ່ ໃນການປະຕິບັດ ໜ້າທີ່ຢ່າງຫ້າວຫັນ ແລະ ມີຄວາມ ຮັບຜິດຊອບສູງ ເຮັດໃຫ້ສະພາບລວມ ບໍລິເວນຊາຍແດນ ໂດຍສະເພາະ ບັນຫາການລັກລອບ ຊັບພະຍາກອນ ທຳມະຊາດ ຄ່ອຍໆຫຼຸດ ນ້ອຍຖອຍລົງ ແລະ ມີຄວາມສະຫງົບ ໂດຍພື້ນຖານ.

ເພື່ອສືບຕໍ່ ເຮັດສຳເລັດໜ້າທີ່ ໃນການເປັນຮົ້ວປ້ອງກັນຊາດ ທ່ານ ເຈົ້າແຂວງ ໄດ້ເນັ້ນໃຫ້ນາຍ ແລະ ພົນທະຫານ ທົ່ວກອງຮ້ອຍ 541 ເຂັ້ມງວດ ການປະຕິບັດລະບຽບ ຂອງກອງທັບ ໄປພ້ອມໆກັບການ ສືກສາອົບຮົມການເມືອງ ແນວຄິດ, ການສຳຫຼວດກວດ ກໍາກຳລັງ ໃຫ້ເປັນປົກກະຕິ ເພື່ອຍົກສູງ ສະຕິຊາດ, ສະຕິປະຕິວັດ, ຕີຖອຍປະກົດການ ຫຍໍ້ທໍ້ທີ່ອາດ ຈະເກີດຂື້ນໃນກຳລັງ ທະຫານຊາຍແດນ.

ພ້ອມກັນນັ້ນ ຕ້ອງໄດ້ ປັບປຸງຂອດປະສານງານ ກັບບັນດາຂະແໜງການ ທີ່ປະຈຳຫ້ອງການດ່ານ, ມີການວາງແຜນ ຈັດວາງກຳລັງ ໄປປະຈຳຢູ່ແຕ່ລະຈຸດ ທີ່ມີຄວາມສ່ຽງ ຕາມບໍລິເວນ ຊາຍແດນ ເພື່ອປົກປ້ອງ ອະທິປະໄຕ, ເຂດນໍ້າດີນແດນ, ສະກັດກັ້ນ ແລະ ປາບປາມຂະບວນ ການລັກລອບ ຊັບພະຍາກອນ ທຳມະຊາດ ຕາມບໍລິເວນ ຊາຍແດນ ໃຫ້ມີຄວາມສະຫງົບ ໂດຍພື້ນຖານ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008