banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:444
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3964
ເດືອນນີ້:ເດືອນນີ້:8978
ທັງໝົດ:ທັງໝົດ:207941

Lao National Radio

radio

ແຜນທີແຂວງ ອັດຕະປື

administrative map

 

 

ຮອງນາຍົກລັດຖະມົນຕີ ຢ້ຽມຢາມເຄື່ອນ ໄຟ້ານໍ້າກົງ 2: ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແລະ ຄະນະ ໄດ້ເດີນທາງ ໄປຢ້ຽມຢາມໂຄງການ ກໍ່ສ້າງເຄື່ອນໄຟ້ານໍ້າກົງ 2 ແຂວງອັດຕະປື ໃນມື້ວັນທີ 11 ກຸມພາ 2017 ໂດຍມີ ທ່ານ ຈັນສະໝອນ ພົມມະນີ ປະທານສະພາ ບໍລິຫານ ບໍລິສັດ ຈະເລີນ ເຊກອງ ພະລັງງານ ຈຳກັດ ຜູ້ຮັບເໝົາກໍ່ສ້າງ ພ້ອມດ້ວຍ ພະນັກງານ, ວິຊາການ ໃຫ້ການຕ້ອນຮັບ ໂອກາດດັ່ງກ່າວ ກໍ່ໄດ້ຮັບຟັງການລາຍງານ ຄວາມຄືບໜ້າ ການກໍ່ສ້າງໂຄງການ ດັ່ງກ່າວ. ເຄື່ອນໄຟ້ານໍ້າກົງ 2 ແມ່ນບໍລິສັດ ຈະເລີນເຊກອງ ພະລັງງານ ຈຳກັດ ໄດ້ຊື້ຕໍ່ຈາກ ບໍລິສັດ ຮ່ວາງແອ໋ງ ສສ ຫວຽດນາມ; ໂຄງການດັ່ງກ່າວ ຕັ້ງຫ່າງຈາກ ເມືອງພູວົງ ໄປທາງທິດໃຕ້ ປະມານ 27 km ມີເນື້ອທີ່ ທັງໝົດ 861 ຕາລາງ ກິໂລແມັດ, ສາມາດ ກັກເກັບນໍ້າໄດ້ 71,4 ລ້ານແມັດກ້ອນ, ຕົວເຂື່ອນ ມີຄວາມຍາວ 210 ແມັດ, ຄວາມກ້ວາງ 8 ແມັດ, ສູງ 50 ແມັດ, ມີຈັກປັ່ນໄຟ 3 ໜ່ວຍ, ດ້ວຍກຳລັງ ການຜະລິດ ແຕ່ລະໜ່ວຍ 22 MW ລວມທັງໝົດ 66 MW.

ມາຮອດປະຈຸບັນ ການກໍ່ສ້າງ ສຳເລັດແລ້ວ 90% ຄາດວ່າ ເດືອນ ພືດສະພາ ທີ່ຈະເຖິງ ຈະເລີ່ມກັກເກັບນໍ້າ, ເດືອນ ກໍລະກົດ ຈະທົດລອງຜະລິດ ກະແສໄຟ້າ ແລະ ສົ່ງໄຟ້າຈຳໜ່າຍຂາຍ ໃຫ້ໄຟ້າລາວ ເປັນທາງການ ໃນທ້າຍເດືອນ ກັນຍາ 2017 ນີ້ ເຊິ່ງຈະສາມາດ ຜະລິດກະແສໄຟຟ້າ ໄດ້ທັງໝົດ 263,11 kwh/ປີ ແລະ ຈະສ້າງລາຍຮັບ ສະເລ່ຍແຕ່ລະປີ ໄດ້ປະມານ 22 ລ້ານໂດລາ. ໂອກາດ ດັ່ງກ່າວ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ໃຫ້ກຽດໂອ້ລົມ ໂດຍທ່ານ ໄດ້ສະແດງ ຄວາມຊົມເຊີຍ ຕໍ່ບໍລິສັດ ທີ່ໄດ້ຕັດສິນໃຈ ໃນການກໍ່ສ້າງ ແລະ ເຮັດຖືກຕ້ອງຕາມເຕັກນິກ ສາກົນ ໂດຍມີວິຊາການ ທີ່ມີປະສົບການສູງ ແລະ ສຳນານງານ ຈາກຕ່າງປະເທດ ເປັນທີ່ປືກສາ ເຊິ່ງຈະເຮັດໃຫ້ ອາຍຸການນຳໃຊ້ເຂື່ອນ ດັ່ງກ່າວໄດ້ຍາວນານ ທັງຮັບປະກັນ ຄວາມສ່ຽງຕໍ່ອຸປະຕິເຫດຕ່າງ ທີ່ຈະເກີດຂື້ນ ເພື່ອຮັບໃຊ້ຜົນປະໂຫຍດ ລວມຂອງຊາດ ແລະ ທ້ອງຖິ່ນ ພ້ອມນັ້ນ ທ່ານ ຮອງນາຍົກລັດຖະມົນຕີ ຍັງໄດ້ຊີ້ນຳໃຫ້ບໍລິສັດ ຕ້ອງໄດ້ປະສານສົມທົບ ກັບທ້ອງຖິ່ນ ຢ່າງໃກ້ຊິດ ເພື່ອບໍລິຫານ ຈັດການປ່ອຍນໍ້າ ເຂື່ອນໃຫ້ເປັນລະບົບ ຫຼີກລຽງຜົນກະທົບຕ່າງ ພ້ອມນັ້ນ ກໍ່ຕ້ອງມີສ່ວນຮ່ວມ ໃນການສົ່ງເສີມ ທ້ອງຖິ່ນໃນການ ປະກອບອາຊີບ, ການສ້າງວຽກເຮັດງານທຳ, ຈັດສັນການທ່ອງທ່ຽວ ເພື່ອປະກອບ ສ່ວນ ໃນການຫຼຸດຜ່ອນ ຄວາມທຸຍາກ ຂອງປະຊາຊົນ ແລະ ນຳພາປະເທດຊາດ ຫຼຸດພົ້ນຈາກປະເທດ ດ້ອຍພັດທະນາ ໃນປີ 2020. ຈາກນັ້ນ ທ່ານ ຮອງນາຍົກລັດຖະມົນຕີ ຍັງໄດ້ເຄື່ອນໄຫວ ຢ້ຽມຢາມ ເຄື່ອນໄຟ້າ ເຊປຽນ-ເຊນໍ້ານ້ອຍ, ຢ້ຽມຢາມ ສະໜາມບີນ ຂອງແຂວງ ແລະ ຢ້ຽມຢາມ ໂຄງການຂຸດຄົ້ນ ບໍຫີນປະເສີດ ລາວ-ຈີນ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008