banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:475
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3995
ເດືອນນີ້:ເດືອນນີ້:9009
ທັງໝົດ:ທັງໝົດ:207972

Lao National Radio

radio

ແຜນທີແຂວງ ອັດຕະປື

administrative map

 

 

ຮອງເຈົ້າແຂວງ ລົງຊຸກຍູ້ການຜະລິດ ລະດູແລ້ງ ເມືອງສະໜາມໄຊ: ທ່ານ ສຸກສະໄໝ ຈັນທະມາດ ຮອງເຈົ້າແຂວງອັດຕະປື ຜູ້ຊີ້ນຳວຽກງານ ເສດຖະກິດ ພ້ອມດ້ວຍ ພະແນກ ກະສິກຳແຂວງ ໄດ້ລົງຕິດຕາມ, ຊຸກຍູ້ການຜະລິດລະດູແລ້ງ ຢູ່ເມືອງສະໜາມໄຊ ໃນມື້ວັນທີ 2 ກຸມພາ 2017 ນີ້ ໂດຍມີທ່ານ ບຸນໂຮມ ພົມມະສານ ເຈົ້າເມືອງ ສະໜາມໄຊ ເປັນຜູ້ນຳພາ ເຄື່ອນໄຫວ, ໃນນີ້ໄດ້ລົງຢ້ຽມ ຢາມການຜະລິດ ເຂດຫີນລາດ-ແທ ໂດຍມີຄະນະພັກ, ອຳນາດການປົກຄອງ ແລະ ພໍ່ແມ່ ປະຊາຊົນ ໃຫ້ການຕ້ອນຮັບ ພ້ອມທັງຮັບຟັງ ການລາຍງານ ສະພາບການຜະລິດ ລະດູແລ້ງ ຈາກ ທ່ານ ຄູນສະໄໝ ມຽງລາວັນ ຮອງຫົວໜ້າ ຫ້ອງການ ກະສິກຳ-ປ່າໄມ້ເມືອງ, ທັງເປັນຮອງ ຫົວໜ້າເຂດ ຫີນລາດ-ແທ. ເຊິງເຂດດັ່ງກ່າວ ມີທັງໝົດ 8 ບ້ານ, ມີ 1,391 ຫຼັງຄາເຮືອນ, ພົນລະເມືອງ 8,267 ຄົນ. ການຜະລິດ ເຂົ້ານາແຊງປີ 2017 ມີເນື້ອທີ່ ທັງໝົດ 400 ກວ່າເຮັກຕາ, ໃນນີ້ຊົນລະປະທານ ເຊປຽນ 324 ເຮັກຕາ, ຊົນລະປະທານ ຫ້ວຍສະໝອງ 26 ເຮັກຕາ. ມາຮອດປະຈຸບັນ ການປັກດຳ ສຳເລັດແລ້ວ 80%, ຄາດວ່າ ຈະໃຫ້ສຳເລັດ 100% ໃນກາງເດືອນ ກຸມພາ ນີ້ ດ້ວຍສະມັດຕະພາບ ຜົນຜະລິດ 3,5 - 4ໂຕນ/ເຮັກຕາ. ນອກຈາກນັ້ນ, ຍັງໄດ້ປູກພືດ ລົ້ມລຸກ ເຊັ່ນ: ໝາກຖົ່ວ, ໝາກແຕງ, ພືດຜັກ ຊະນິດຕ່າງ ໃນເນື້ອທີ່ 26,5 ເຮັກຕາ. ໂອກາດ ດັ່ງກ່າວ ທ່ານ ຮອງເຈົ້າແຂວງ ໄດ້ໃຫ້ກຽດໂອ້ລົມ ບັນຫາສຳຄັນ ທ່ານໄດ້ແນະນຳ ໃຫ້ວິຊາການກະສິກຳ ຕ້ອງເປັນເຈົ້າການ ລົງໃກ້ຊິດຕິດຕາມ ແນະນຳເຕັກນິກ ໃນການຜະລິດ, ການປົກປັກຮັກສາ, ເພື່ອຍົກສູງ ສະມັດຕະພາບ ຜົນຜະລິດ ໃຫ້ສູງຂື້ນ ພ້ອມກັນນັ້ນ, ກໍ່ຕ້ອງຈັດຕັ້ງເປັນກຸ່ມ ການຜະລິດ ນຳໃຊ້ແນວພັນ ຕາມຄວາມຕ້ອງການ ຂອງຕະຫຼາດ ໂດຍເລັ່ງໃສ່ຜົນຜະລິດ ປອດສານເຄມີ ພ້ອມນັ້ນ ທ່ານ ຍັງໄດ້ຮຽກຮ້ອງ ມາຍັງພໍ່ແມ່ ປະຊາຊົນ ຈົ່ງສືບຕໍ່ເສີມຂະຫຍາຍ ມູນເຊື້ອຄວາມດຸໝັ່ນ ໃນການປູກ, ການລ້ຽງ ເພື່ອສ້າງລາຍຮັບ ແກ່ຄອບຄົວ ແກ້ໄຂຊີວິດ ການເປັນຢູ່ໃຫ້ດີຂື້ນ. ຈາກນັ້ນ ທ່ານ ຮອງເຈົ້າແຂວງ ກໍ່ໄດ້ລົງໄປພື້ນທີ່ຕົວຈິງ ເຂດການຜະລິດ ປະຊາຊົນ, ກວດກາລະບົບ ຊົນລະປະທານ, ການປັກດຳນາແຊງ, ການປູກພືດ ແລະ ລົງໄປກວດກາ ສະພາບຂົວທີ່ເປ້ເພ ເຂດບ້ານ ຫີນສົມບັດ ເພື່ອມີທິດຊີ້ນຳ ໃນການກໍ່ສ້າງ ແລະ ສ້ອມແປງ ໃຫ້ສາມາດນຳໃຊ້ໄດ້ ເປັນປົກກະຕິ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008