banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:444
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3964
ເດືອນນີ້:ເດືອນນີ້:8978
ທັງໝົດ:ທັງໝົດ:207941

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ສຳມະນາວິທະຍາສາດ ກ່ຽວກັບແຜນພັດທະນາ ທີດີນແຂວງ: ກອງປະຊຸມ ສຳມະນາວິທະຍາສາດ ກ່ຽວກັບທິດທາງ ການພັດທະນາ ແຂວງອັດຕະປື ຕິດພັນກັບ ວຽກງານທີ່ດີນ ໄດ້ໄຂຂື້ນ ຢ່າງເປັນທາງການ ໃນຕອນເຊົ້າ ວັນທີ 16 ມັງກອນ 2017 ທີ່ຫໍປະຊຸມໃຫຍ່ ຂອງແຂວງ ໂດຍການເປັນ ປະທານຂອງ ທ່ານ ປອ. ນາມ ວິຍາເກດ ກຳມະການສູນກາງພັກ ເລຂາພັກແຂວງ, ເຈົ້າແຂວງອັດຕະປື, ເຂົ້າຮ່ວມມີ ບັນດາຄະນະນໍາ ຂອງແຂວງ, ຫົວໜ້າ ພະແນກການ ອ້ອມຂ້າງແຂວງ ແລະ ເມືອງເຂົ້າຮ່ວມ. ທ່ານ ປອ. ນາມ ວິຍາເກດ ປະທານທີ່ປະຊຸມ ໄດ້ກ່າວເປີດພິທີວ່າ ກອງປະຊຸມຄັ້ງນີ້ ຈະໄດ້ສຸມໃສ່ຄົ້ນຄ້ວາ ລະດົມແນວຄວາມຄິດ ຈາກທຸກພາກສ່ວນ ເຂົ້າໃສ່ວຽກງານທີ່ດີນ ເປັນຕົ້ນແມ່ນ ຊອກໃຫ້ເຫັນສາຍເຫດ ແລະ ວີທີການແກ້ໄຂ ບັນຫາຕົວເລກການຈັບຈອງທີ່ດີນ ມີຈຳນວນຫຼວງຫຼາຍ ແຕ່ຕົວເລກການ ຄຸ້ມຄອງມີນ້ອຍ, ບັນຫາສາຍເຫດ ໂຄງການລົງທືນ ຂອງຕ່າງປະເທດ ທີ່ມີຜົນກະທົບ ຕໍ່ປະຊາຊົນ, ບັນຫາການ ຂື້ນທະບຽນທີ່ດີນ ຊັກຊ້າບໍ່ຕໍ່ເນື່ອງ, ຄວາມເປັນແບບຢ່າງ ຂອງພະນັກງານ ໃນການປະຕິບັດ ພັນທະສິດນຳໃຊ້ທີ່ດີນ, ການປະຕິບັດ ກົດໝາຍທີ່ດີນ ແຕ່ລະປະເພດ ອັນໃດ ທີ່ຍັງບໍ່ທັນສອດຄ່ອງ ແລະ ແທດເໝາະ ກັບສະພາບການຕົວຈິງ ລວມທັງ ການໂອນກຳມະສິດທີ່ດີນ ແລະ ການຄຸ້ມຄອງ ທີ່ດີນໃຫ້ເຂົ້າ ສູ່ລະບຽບກົດໝາຍ.

ໂອກາດດັ່ງກ່າວ ກອງປະຊຸມ ຍັງຈະໄດ້ຮັບຟັງ ການລາຍງານ ສະພາບການ ເຄື່ອນໄຫວ ວຽກງານ ຄຸ້ມຄອງທີ່ດີນ ແລະ ທິດທາງແຜນການ ສົກປີ 2017 ຈາກຫົວໜ້າ ພະແນກຊັບພະຍາກອນ ທຳມະຊາດ ແລະ ສິ່ງແວດລ້ອມ ແຂວງ ພ້ອມທັງ ຈະມີການປະກອບ ຄຳຄິດ, ຄຳເຫັນ ເຂົ້າໃສ່ວຽກງານທີ່ດີນ ເພື່ອເປັນພື້ນຖານ, ເປັນແນວທາງ ໃນການຄຸ້ມຄອງທີ່ດີນ ໄປຕາມລະບຽບ ກົດໝາຍ ພ້ອມທັງ ຫັນດີນເປັນ ຖານລາຍຮັບ ທີ່ໝັ້ນຄົງ ເພື່ອສ້າງລາຍຮັບ ເຂົ້າງົບປະມານ ໃຫ້ບັນລຸເປົ້າໝາຍ ເຊິ່ງກອງປະຊຸມ ສຳມະນາວິທະຍາສາດ ກ່ຽວກັບການ ພັດທະນາແຂວງ ຕິດພັນກັບການ ພັດທະນາວຽກງານ ທີ່ດີນ ໄດ້ດຳເນີນໄປເປັນ ເວລາ 1 ມື້.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008