banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:445
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3965
ເດືອນນີ້:ເດືອນນີ້:8979
ທັງໝົດ:ທັງໝົດ:207942

Lao National Radio

radio

ແຜນທີແຂວງ ອັດຕະປື

administrative map

 

 

ກອງປະຊຸມສະພາທ້ອງຖິ່ນ ຮັບຮອງ 5 ວຽກກງານສຳຄັນ: ກອງປະຊຸມ ສະໄໝສາມັນ ເທື່ອທີ II ຂອງສະພາປະຊາຊົນ ຂັ້ນແຂວງ ຊຸດທີ I ໄດ້ປິດລົງຢ່າງເປັນທາງການ ພາຍຫຼັງດຳເນີນ ມາເປັນເວລາ 4 ວັນ ຄື: ລະຫວ່າງ ວັນທີ 9-13 ມັງກອນ 2017 ທີ່ຫ້ອງປະຊຸມ ສະພາປະຊາຊົນແຂວງ ໂດຍການເປັນປະທານ ຂອງທ່ານ ເລັດ ໄຊຍະພອນ ຮອງເລຂາພັກແຂວງ, ສະມາຊິກສະພາແຫ່ງຊາດ, ປະທານສະພາປະຊາຊົນ ເຂດເລືອກຕັ້ງ 17 ແຂວງອັດຕະປື, ມີການນຳ ຂັ້ນສູງຂອງແຂວງ, ສະມາຊິກ ສະພາແຫ່ງຊາດ, ສະມາຊິກສະ ພາປະຊາຊົນແຂວງ, ຫົວໜ້າພະແນກການ, ພະນັກງານປະຕິວັັດອາວຸໂສ ແລະ ນັກທຸລະກິດ ອ້ອມຂ້າງແຂວງ ເຂົ້າຮ່ວມ. ຕະຫຼອດໄລຍະ ດຳເນີນກອງປະຊຸມ ເປັນເວລາ 4 ວັນ ໂດຍມີການຖ່າຍທອດສົດ ຜ່ານວິທະຍຸ ທ້ອງຖິ່ນແຂວງ ພ້ອມທັງ ໃຫ້ສັງຄົມ ລາຍງານ ປະກົດການຫຍໍ້ທໍ້ຕ່າງໆ ຜ່ານສາຍດ່ວນ ເພື່ອເປັນຂໍ້ມູນ ໃຫ້ສຳມະຊິກສະພາ ປະຊາຊົນແຂວງ ໃນຖານະຕົວແທນ ແຫ່ງສິດຜົນປະໂຫຍດ ຂອງປະຊາຊົນ ນຳເອົາໄປຊັກຖາມ ເພື່ອໃຫ້ພາກສວນ ກ່ຽວຂ້ອງຊີ້ແຈງ ແລະ ມີການປັບປຸງ ແກ້ໄຂຂໍ້ຄົງຄ້າງ ເພື່ອຍົກສູງຄຸນນະພາບ ການບໍລິຫານລັດ ຕາມກົດໝາຍ ແລະ ຮັບໃຊ້ປະຊາຊົນ ຢ່າງແທ້ຈິງ.

ທີ່ປະຊຸມ ບັນດາສຳມາຊິກສະພາ ທ້ອງຖິ່ນ ໄດ້ລົງຄະແນນສຽງ ເປັນເອກະພາບ ຮັບຮອງເອົາບັນດາເນື້ອໃນ ສຳຄັນຂອງແຂວງ ເປັນຕົ້ນ: ຮັບຮອງເອົາບົດລາຍງານ ຂອງອົງການປົກຄອງແຂວງ ກ່ຽວກັບການ ຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ ສົກປີ 2015-2016 ແລະ ທິດທາງແຜນການ ປະຈຳປີ 2017, ຮັບຮອງບົດລາຍງານ ການເຄື່ອນໄຫວວຽກງານ ສົກປີ 2015-2016 ແລະ ແຜນການເຄື່ອນໄຫວ ປີ 2017 ຂອງອົງການໄອຍະການ ປະຊາຊົນແຂວງ ແລະ ສານ ປະຊາຊົນແຂວງ, ຮັບຮອງເອົາບົດລາຍງານ ການແກ້ໄຂຜົນການກວດສອບ ສົກປີ 2013-2014, ບົດລາຍງານ ຂອງອົງການກວດສອບ ແຫ່ງລັດ ປະຈຳພາກໄຕ້ ກ່ຽວກັບຜົນ ການກວດສອບ ບົດສະຫຼຸບຂາດຕົວ ການຈັດຕັ້ງປະຕິບັດ ແຜນງົບປະມານ ແຫ່ງລັດ ປະຈຳ ສົກປີ 2014-2015 ແລະ ບົດສະຫຼຸບ ການເຄື່ອນໄຫວ ວຽກງານສົກປີ 2015-2016, ທິດທາງປີ 2017, ຮັບຮອງເອົາ ການເຄື່ອນໄຫວ ຈັດຕັ້ງປະຕິບັດວຽກງານ ແຕ່ກອງປະຊຸມ ຄັ້ງປະຖົມມະລຶກ ມາຮອດປະຈຸບັນ ແລະ ທິດທາງແຜນການ ປີ 2017 ຂອງສະພາ ປະຊາຊົນແຂວງ ຊຸດທີ l. ທ່ານ ເລັດ ໄຊຍະພອນ ຮອງເລຂາພັກແຂວງ ສຳມະຊິກສະພາແຫ່ງຊາດ ປະທານສະພາ ປະຊາຊົນແຂວງ ໄດ້ຕີລາຄາສູງ ຕໍ່ກອງປະຊຸມສະພາ ທ້ອງຖິ່ນຄັ້ງນີ້ ເຊິ່ງເປັນເຫດການສຳຄັນ ທາງປະຫວັດ ແລະ ສ້າງບາດລ້ຽວໃໝ່ ໃນການເສີມຂະຫຍາຍ ສະຕິປັນຍາລວມໝູ່ ໃນການຍົກສູງ ຄວາມຮັບຜິດຊອບ ທາງດ້ານການເມືອງ ໂອກາດດັ່ງກ່າວ ທ່ານໄດ້ຮຽກຮ້ອງ ມາຍັງຄະນະປະຈຳສະພາ, ສຳມະຊິກສະພາ, ການນຳຂອງແຂວງ ສືບຕໍ່ຊີ້ນຳປຸກລະດົມ ທຸກພາກສ່ວນ ຈັດຕັ້ງຜັນຂະຫຍາຍ ມະຕິກອງປະຊຸມ ສະພາທ້ອງຖິ່ນຄັ້ງນີ້ ໃຫ້ໄດ້ຮັບຜົນສຳເລັດ ປະກອບສ່ວນເຂົ້າໃນ ພາລະກິດປົກປັກຮັກສາ ແລະ ພັດທະນາ ແຂວງອັດຕະປື ໃຫ້ຈະເລີນກ້າວໜ້າ ຂື້ນໄປເລື້ອຍໆ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008