banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:474
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3994
ເດືອນນີ້:ເດືອນນີ້:9008
ທັງໝົດ:ທັງໝົດ:207971

Lao National Radio

radio

ແຜນທີແຂວງ ອັດຕະປື

administrative map

 

 

ຮອງເລຂາພັກແຂວງ ໂອ້ລົມການນຳບ້ານ ເຊກະໝານ ສ້າງບ້ານແບບຢ່າງ ສາມສ້າງ: ທ່ານ ນາງ ມີນາພອນ ໄຊຊົມພູ ຄະນະປະຈຳ ພັກແຂວງ, ຮອງເລຂາພັກແຂວງ ພອມຄະນະ ໄດ້ລົງຢ້ຽມຢາມ ພົບປະໂອ້ລົມ ອຳນາດການ ປົກຄອງບ້ານ ໃຫຍ່ເຊກະໝານ ໃນຕອນບ່າຍ ວັນທີ 10 ມັງກອນ 2017 ໂດຍມີ ທ່ານ ຄໍາໝັ້ນ ສີສະໝຸດ ຮອງເລຂາພັກເມືອງ, ຮອງເຈົ້າເມືອງ ສາມັກຄີໄຊ ພ້ອມດ້ວຍອຳນາດ ການປົກຄອງ ບ້ານເຂົ້າຮ່ວມ ຢ່າງພ້ອມພຽງ. ໂອກາດ ດັ່ງກ່າວ ທ່ານ ຄຳສີ ພັນທະວາລີ ນາຍບ້ານໃຫຍ່ ເຊກະໝານ ໄດ້ລາຍງານສະພາບ ການພັດທະນາ ບ້ານໃນ ສົກປີ 2015-2016; ອັນທີ່ພົ້ນເດັ່ນ ແມ່ນການພັດທະນາ ເສດຖະກິດ-ສັງຄົມ ໃນນີ້ ບ້ານໃຫຍ່ເຊກະໝານ ແມ່ນບ້ານສາມສ້າງ ຂອງເມືອງສາມັກຄີໄຊ ປະກອບມີ 621 ຄອບຄົວ, 583 ຫຼັງຄາເຮືອນ, ພົນລະເມືອງ 2,654 ຄົນ. ອາຊີບຕົ້ນຕໍ ຂອງປະຊາຊົນ ແມ່ນເຮັດນາ, ປູກຝັງລ້ຽງສັດ ແລະ ການບໍລິການ ເປັນສຳຮອງ. ມີເນື້ອທີ່ນາ 907 ເຮັກຕາ, ຜົນຜະລິດ ເຂົ້າສະເລ່ຍ 670 ກິໂລຕໍ່ຄົນ/ປີ, ການລ້ຽງສັດ ມີຄວາມ 554 ໂຕ, ງົວ 2094 ໂຕ, ໝູ 200 ກວ່າໂຕ, ແບ້ 350 ແລະ ສັດປີກ 3,000 ກ່ວາໂຕ ນອກນັ້ນ ປະຊາຊົນ ຍັງໄດ້ປູກພືດຊະນິດຕ່າງໆ ສະເລ່ຍລາຍຮັບ ຕໍ່ຫົວຄົນ ຂອງບ້ານໄດ້ 4 ລ້ານ 7 ແສນ 62 ພັນກວ່າ ກີບ / ຄົນ / ປີ ແລະ ອັນທີ່ພົ້ນເດັ່ນ ແມ່ນການປະຕິບັດ ການເກັບພັນທະພາສີ ອາກອນມອບເຂົ້າ ຄັງຂອງເມືອງໄດ້ 108 ລ້ານ 7 ແສນ 84 ພັນກວ່າກີບ ເທົ່ກັບ 100% . ຈາກນັ້ນໃນພິທີ ຍັງໄດ້ມີການ ປືກສາຫາລື, ແລກປ່ຽນຄຳຄິດ ຄຳເຫັນ ພ້ອມທັງຊອກວິທີ ທາງຮ່ວມກັນ ແກ້ໄຂບັນຫາຕ່າງໆ ທີ່ຍັງບໍ່ທັນສອດຄ່ອງ ພາຍໃນບ້ານ ເປັນຕົ້ນ: ບັນຫາຢາເສບຕິດ, ບັນຫາທີ່ດີນ ແລະ ບັນຫາ ອື່ນໆ. ໃນຕອນທ້າຍ ຂອງພິທີ ທ່ານນາງ ມີນາພອນ ໄຊຊົມພູ ຄະນະປະຈຳພັກແຂວງ, ຮອງເລຂາພັກແຂວງ ໄດ້ມີຄຳເຫັນ ໂອ້ລົມ ບັນຫາສຳຄັນ ທ່ານໄດ້ຊີ້ນຳ ໃຫ້ອຳນາດການປົກຄອງ ບ້ານ ຕ້ອງເປັນແບບຢ່າງ ໃນການນຳພາ, ປັບປຸງກົງຈັກ ການຈັດຕັ້ງພັກ ໃຫ້ມີຄວາມເຂັ້ມແຂງ, ເພີ່ມທະວີ ຄວາມສາມັກຄີ ໃນໝູ່ຄະນະ ໃນການຕັດສິນ ແລະ ແກ້ໄຂບັນຫາຕ່າງໆ ໄປພ້ອມໆກັບ ການນຳເອົາແນວທາງ ນະໂຍບາຍ ຂອງພັກ, ລະບຽບ ກົດໝາຍຂອງລັດ; ຈັດຕັ້ງຜັນຂະຫຍາຍ ເຊື່ອມຊືມ ໃຫ້ປະຊາຊົນຮັບຮູ້ ເຂົ້າໃຈຢ່າງເລິກເຊິ່ງ ແລະ ທົ່ວເຖິງ ເພື່ອປະກອບສ່ວນ ໃນການປະຕິບັດ ແນວທາງ ກໍ່ຄືການພັດທະນາ ເສດຖະກິດສັງຄົມ ຂອງບ້ານ ໃຫ້ບັນລຸ ຕາມລະດັບຄາດໝາຍ ເພື່ອສ້າງບ້ານໃຫຍ່ ເຊກະໝານ ໃຫ້ກາຍເປັນບ້ານແບບຢ່າງ ຂອງປະຕິບັດວຽກງານ ສາມສ້າງ ໃນອານາຄົດ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008