banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:462
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3982
ເດືອນນີ້:ເດືອນນີ້:8996
ທັງໝົດ:ທັງໝົດ:207959

Lao National Radio

radio

ແຜນທີແຂວງ ອັດຕະປື

administrative map

 

 

ເປີດກອງປະຊຸມ ເທື່ຶອທີ ll ຂອງສະພາ ປະຊາຊົນ ແຂວງອັດຕະປື: ກອງປະຊຸມ ສະໄໝສາມັນ ເທື່ອທີ ll ຂອງສະພາ ປະຊາຊົນ ແຂວງອັດຕະປື ໄດ້ໄຂຂື້ນ ຢ່າງເປັນທາງການ ໃນຕອນເຊົ້າ ຂອງວັນທີ 9 ມັງກອນ 2017 ທີ່ຫ້ອງປະຊຸມ ສະພາປະຊາຊົນແຂວງ ໂດຍການເປັນ ປະທານຂອງ ທ່ານ ເລັດ ໄຊຍະພອນ ຮອງເລຂາພັກແຂວງ ປະທານສະພາ ປະຊາຊົນແຂວງ ທັງເປັນສະມາຊິກ ສະພາແຫ່ງຊາດ ປະຈຳເຂດເລືອກ ຕັ້ງທີ 17 ແຂວງອັດຕະປື ເຂົ້າຮ່ວມໃນພິທີ ມີ ທ່ານ ປອ. ນາມວິຍາເກດ ກຳມະການສູນກາງພັກ ເລຂາພັກແຂວງ, ເຈົ້າແຂວງອັດຕະປື, ມີຫົວໜ້າ ພະແນກການ ອ້ອມຂ້າງແຂວງ, ເມືອງ ພ້ອມດ້ວຍ ສະມາຊິກສະພາ ແຫ່ງຊາດ, ສະມາຊິກສະພາ ປະຊາຊົນແຂວງ ແລະ ແຂກຖືກເຊີນ ເຂົ້າຮ່ວມ 80 ກ່ວາຄົນ. ກອງປະຊຸມຄັ້ງນີ້ ແມ່ນຈະໄດ້ສຸມ ໃສ່ພິຈາລະນາ ແລະ ຕົກລົງບັນຫາສຳຄັນ ຂອງແຂວງ ເປັນຕົ້ນ: ພິຈາລະນາ ແລະ ຮັບຮອງ ກ່ຽວກັບການ ຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ ແລະ ແຜນງົບປະມານ ຂອງແຂວງ ປະຈຳ ສົກປີ 2015-2016 ແລະ ທິດທາງ ແຜນພັດທະນາ ເສດຖະກິດສັງຄົມ ແລະ ແຜນງົບປະມານ ຂອງແຂວງ ປະຈຳປີ 2017. ພ້ອມນັ້ນ ຍັງຈະໄດ້ ຮັບຮອງເອົາບົດລາຍງານ ການຈັດຕັ້ງປະຕິບັດ ການເຄື່ອນໄຫວ ວຽກງານ 5 ປີ 2011-2015, ທິດທາງ 2015-2020, ຮັບຮອງບົດລາຍງານ ຜົນການກວດສອບ ຫົວໜ່ວຍງົບປະມານ, ໂຄງການຂອງແຂວງ, ທິດທາງແຜນການ ປະຈຳປີ 2017 ຂອງອົງການໄອຍະການ ປະຊາຊົນແຂວງ ແລະ ສານປະຊາຊົນແຂວງ, ພິຈາລະນາ ແລະ ຮັບຮອງ ເອົາບົດລາຍງານ ຂອງຄະນະປະຈຳ ສະພາປະຊາຊົນແຂວງ ກ່ຽວກັບການ ເຄື່ອນໄຫວວຽກງານ ນັບແຕ່ກອງປະຊຸມ ຄັ້ງປະຖົມມະລຶກ ຈົນຮອດປະຈຸບັນ ແລະ ແຜນການເຄື່ອນໄຫວ ປີ 2017. ນອກຈາກນີ້ ບັນດາ ພະແນກການ ຍັງຈະໄດ້ຊີ້ແຈງ ຕອບຄຳຊັກຖາມ ຂອງບັນດາ ສະມາຊິສະພາ ປະຊາຊົນແຂວງ ແລະ ສະມາຊິກສະພາແຫ່ງຊາດ ປະຈຳເຂດ ຕື່ມອີກ. ທັງນີ້ກໍ່ເພື່ອ ຍົກສູງການ ບໍລິຫານລັດ ໃຫ້ມີການຫັນປ່ຽນ ຢ່າງຕັ້ງໜ້າ ໃນທຸກຂັ້ນ ແລະ ໄປຕາມລະບຽບ ກົດໝາຍ, ທັງເປັນການ ແກ້ໄຂປະກົດການຫຍໍ້ທໍ້ ທີ່ເກີດຂື້ນໃນສັງຄົມ ໃຫ້ຫຼຸດນ້ອຍ ຖອຍລົງ ແນ່ໃສ່ພັດທະນາ ເສດຖະກິດ-ສັງຄົມ ສືບຕໍ່ຂະຫຍາຍຕົວ ຊີວິດການເປັນຢູ່ ປະຊາຊົນຊາວ ແຂວງອັດຕະປື ໄດ້ຮັບການປັບປຸງ ດີຂື້ນ ເຊິ່ງກອງປະຊຸມ ຄັ້ງນີ້ ຈະດຳເນີນເປັນເວລາ 4 ວັນສຳຈະສຳເລັດ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008