banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:457
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3977
ເດືອນນີ້:ເດືອນນີ້:8991
ທັງໝົດ:ທັງໝົດ:207954

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ສະຫຼອງວັນຊາດ ຄົບຮອບ 41 ປີ ເພື່ອຫວນຄືນ 2 ວັນປະຫວັດສາດ ທີ່ສຳຄັນຂອງຊາດລາວ ຄື: ວັນຊາດທີ 2 ທັນວາ ຄົບຮອບ 41 ປີແລະວັນຄ້າຍວັນເກີດຂອງ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ຄົບຮອບ 96 ປີ ເປັນວັນທີ່ມີຄວາມ ສຳຄັນອັນໃຫຍ່ຫຼວງ ຕໍ່ປະຊາຊົນລາວ ບັນດາເຜົ່າ ໃນທົ່ວປະເທດ ກໍ່ຄື ປະຊາຊົນລາວ ບັນດາເຜົ່າຊາວ ແຂວງ ອັດຕະປື ເຊິ່ງເປັນມື້ ທີ່ຊາວໂລກໄດ້ຮັບຮູ້ ເຖິງຄວາມເປັນຊາດລາວ, ຄົນລາວ ແລະ ເປັນມື້ແຫ່ງຄວາມພູມໃຈ ຂອງປະຊາຊົນລາວ ທີ່ໄດ້ມີໄຊຊະນະ ອັນຍິ່ງໃຫຍ່ ໃນປະຫວັດສາດ ແຫ່ງການຕໍ່ສູ້ປົດປ່ອຍ ຊາດຂອງພັກ ແລະ ກໍ່ແມ່ນວັນ ທີ່ປະເທດຊາດ ໄດ້ຮັບການປົດປ່ອຍ, ມີເອກະລາດ ຢ່າງສົມບູນ ແລະ ມີອະທິປະໄຕ ຢ່າງຄົບຖ້ວນ. ທ່ານ ປອ ນາມ ວິຍະເກດ ກຳມະການສູນກາງພັກ ເລຂາພັກແຂວງ ເຈົ້າແຂວງ ອັດຕະປື ກ່າວໃນພິທີ ໂຮມຊຸມນຸມລະນຶກ 2 ວັນປະຫວັດສາດ ໃນມື້ວັນທີ 1 ທັນວາ ທີ່ຫໍປະຊຸມ ໃຫຍ່ຂອງແຂວງ ວ່າ: ໃນຕະຫຼອດ ໄລຍະ 41 ຂອງຊາດເຮົາ ໃຕ້ການນຳພາອັນສະຫຼາດສ່ອງໃສ ຂອງພັກປະຊາຊົນ ປະຕິວັດລາວ ປະຊາຊົນລາວ ບັນດາເຜົ່າ ໄດ້ສາມັກຄີ ເປັນປຶກເເຜ່ນ ອ້ອມຂ້າງພັກ ແລະ ລັດຖະບານ ປະຕິບັດ ສອງໜ້າທີ່ ຍຸດທະສາດ ຄື: ປົກປັກຮັກສາ ແລະ ສ້າງສາພັດທະນາ ປະເທດຊາດ ໃຫ້ເຕີບໃຫຍ່ ຂະຫຍາຍຕົວ ຢ່າງບໍ່ເຄີຍມີມາກ່ອນ ໃນປະຫວັດສາດ, ໃນບັນດາເຫດການ ທີ່ໂດດເດັ່ນ ແລະ ໂດ່ງດັງທີ່ສຸດ ໃນປະຫວັດສາດນີ້ ລ້ວນແລ້ວແຕ່ຕິດພັນ ກັບການຊີ້ນຳ ຂອງປະທານ ໄກສອນ ພົມວິຫານ ແລະ ໝູ່ຄະນະ ທີ່ເປັນຜູ້ນຳພາ ວາງແນວທາງ ປະຕິວັດ ຕໍ່ສູ້ປົດປ່ອຍຊາດ ພ້ອມທັງວາງແນວທາງ ປົກປັກຮັກສາ ແລະ ສ້າງສາພັດທະນາ ປະເທດຊາດ. ສຳລັບແຂວງອັດຕະປື ເຊິ່ງນັບແຕ່ໄລຍະ ການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິ ກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ໄດ້ເຮັດໃຫ້ແຂວງ ມີການພັດທະນາ ແລະ ເຕີບໃຫຍ່ຂະຫຍາຍຕົວ ຢ່າງຮອບດ້ານ ເຊັ່ນ: ລະບົບການເມືອງ ໄດ້ຮັບການປັບປຸງ ແລະ ເສີມສ້າງຄວາມເຂັ້ມແຂງ ເປັນກ້າວໆ, ລະບອບປະຊາທິປະໄຕ ປະຊາຊົນ ໄດ້ຮັບການ ເສີມຂະຫຍາຍ ລົງໄປສູ່ຮາກຖານບ້ານ, ຊຸມຊົນ, ໜ່ວຍພັກ ແລະ ບັນດາອົງການ ຈັດຕັ້ງມະຫາຊົນ ກໍ່ຄືຫົວໜ່ວຍ ທຸລະກິດຕ່າໆ ສາມາດຮັບປະກັນ ສະຖຽນລະພາບ ແລະ ຄວາມໝັ້ນຄົງ ທາງດ້ານການເມືອງ ຢ່າງໜັກແໜ້ນ, ເຮັດໃຫ້ສັງຄົມ ມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ ໂດຍພື້ນຖານ; ດ້ານເສດຖະກິດ ໄດ້ມີຈັງຫວະ ການພັດທະນາໄວ, ອັດຕາການເຕີບໂຕ ຂອງເສດຖະກິດ ຂະຫຍາຍຕົວ ຢູ່ໃນລະດັບສູງ 11%, ສ້າງມູນຄ່າ ໄດ້ປະມານ 2,187,100 ຕື້ກີບ, ພົນລະເມືອງ ໃນທົ່ວແຂວງ ໃນປີ 2016 ມີ 142.958 ຄົນ ດ້ວຍອັດຕາ ເພີ່ມສະເລ່ຍ 2% ຕໍ່ປີ, ລວມຍອດຜະລິດຕະພັນ ພາຍໃນ GDP /ຄົນ ບັນລຸໄດ້ 1.876 ໂດລາ/ຄົນ/ປີ ໃນນີ້ ຂະແໜງ ກະສິກຳ-ປ່າໄມ້ ແລະ ການປະມົງ ກວມເອົາ 25%, ຂະແໜງ ອຸດສາຫະກຳ ກວາມເອົາ 32%, ຂະແໜງ ບໍລິການກວມເອົາ 42%, ດ້ານວັດທະນະທຳ-ສັງຄົມ ນັບມື້ໄດ້ຮັບການ ປັບປຸງດີຂຶ້ນ ເປັນກ້າວໆ ໂດຍສະເພາະ ແມ່ນການເຂົ້າເຖິງ ການບໍລິການ ດ້ານຕ່າງໆເປັນຕົ້ນ ການສຶກສາ, ສາທາລະນະສຸກ, ການສະໜອງ ຂໍ້ມູນຂ່າວສານ ແລະ ໂຄສະນາແນວທາງ ນະໂຍບາຍຂອງ ພັກ-ລັດ ໄດ້ຢ່າງກວ້າງຂວາງ ແລະ ໄດ້ນຳໃຊ້ສິດ ຂອງຕົນເຂົ້າໃນການ ສ້າງສາພັດທະນາ. ສະພາປະຊາຊົນ ຂັ້ນແຂວງໃນຖານະ ເປັນອົງການຕົວແທນ ແຫ່ງສິດອຳນາດ ແລະ ຜົນປະໂຫຍດ ອັນຊອບທຳ ຂອງປະຊາຊົນລາວ ບັນດາເຜົ່າ, ໄດ້ເປັນເຈົ້າການ ປະຕິບັດ ບົດບາດ ຂອງຕົນ ເປັນຕົ້ນ ແມ່ນລົງພົບປະ ຜູ້ມີສິດເລືອກຕັ້ງ ແລະ ພິຈາລະນາຄຳຮ້ອງ ຂໍຄວາມເປັນທຳ ຂອງປະຊາຊົນ ຢ່າງເປັນເຈົ້າການ, ມີຄວາມຖືກຕ້ອງ ແລະ ວ່ອງໄວກວ່າເກົ່າ, ວຽກງານຕຸລາການ, ໄອຍະການປະຊາຊົນ ແລະ ຍຸຕິທຳ ໄດ້ເອົາໃຈໃສ່ ປະຕິບັດບົດບາດ, ໜ້າທີ່ໃນການ ປົກປ້ອງກົດໝາຍ, ເຮັດໃຫ້ສັງຄົມ ມີຄວາມຍຸຕິທຳ, ເອົາໃຈໃສ່ ປັບປຸງການຈັດຕັ້ງ, ກໍ່ສ້າງພະນັັກງານ, ຍົກລະດັບ ຖັນແຖວບຸກ ຄະລາກອນ ໃນຂົງເຂດດັ່ງກ່າວ ຢ່າງຕັ້ງໜ້າ ເຮັດໃຫ້ການພິຈາລະນາ ແກ້ໄຂຄະດີຕ່າງໆ ມີຄວາມເປັນທຳ ຫຼາຍຂຶ້ນ, ວຽກງານກາຕ່າງປະເທດ ໄດ້ເຄື່ອນໄຫວຢ່າງຕັ້ງໜ້າ ໃນການພົວກັບຮ່ວມມື ກັບບັນດາແຂວງ ຂອງປະເທດໃກ້ຄຽງ ທີ່ມີຊາຍແດນຕິດຈອດກັນ ແລະ ກອບການຮ່ວມມື CLV ອັນພົ້ນເດັ່ນ ແມ່ນການຮ່ວມມື ດ້ານວຽກງານຊາຍແດນ ລາວ-ຫວຽດນາມ, ການຊອກຄົ້ນ ອັດຖິຂອງຊ່ຽວຊານ ແລະ ທະຫານອາສາສະໝັກ ຫວຽດນາມ ທີ່ເສຍສະຫຼະຊີວິດ ປາງສົງຄວາມ, ການຊ່ວຍເຫຼືອ ດ້ານຊັບພະຍາກອນມະນຸດ ແລະ ໂຄງການພັດທະນາ ທີ່ສຳຄັນອື່ນໆ ອີກຫຼາຍຢ່າງ. ພິທີໂຮມຊຸມນຸມ ໃນເທື່ອນີ້ໄດ້ຈັດຂຶ້ນ ຢູ່ທີ່ຫໍປະຊຸມໃຫຍ່ ຂອງແຂວງ ເຊິ່ງມີອົງການພຸດທະສາສະໜາ ສຳພັນລາວແຂວງ, ບັນດາສະຫາຍ ໃນຄະນະປະຈຳພັກແຂວງ, ກຳມະການພັກແຂວງ, ເລຂາພັກເມືອງ, ເຈົ້າເມືອງ, ພະນັກງານ ປະຕິວັດອາ ວຸໂສບຳນານ, ອາດີດການນຳ ຂອງແຂວງ, ພະນັກງານ ທະຫານ-ຕຳຫຼວດ ພ້ອມດ້ວຍ ບັນດາມວນຊົນ ເຂົ້າຮ່ວມຢ່າງຫຼວງຫຼາຍ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008