banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:447
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3967
ເດືອນນີ້:ເດືອນນີ້:8981
ທັງໝົດ:ທັງໝົດ:207944

Lao National Radio

radio

ແຜນທີແຂວງ ອັດຕະປື

administrative map

 

 

ທ່ານ ຈູມມະລີ ໄຊຍະສອນ ຢ້ຽມຢາມ ບ້ານພູໂຮມ: ຕອນບ່າຍ ວັນທີ 18 ຕຸລາ 2016 ນີ້ ທ່ານ ຈູມມະລີ ໄຊຍະສອນ ອາດີເລຂາທິການໃຫຍ່ ພັກປະຊາຊົນ ປະຕິວັດລາວ ອາດີດ ປະທານປະເທດ ໄດ້ໄປຢ້ຽມ ປະຊາຊົນ ບ້ານພູໂຮມ ເມືອງພູວົງ ແຂວງອັດຕະປື ໂດຍມີ ທ່ານ ບຸນນາວ ຈັນດອນ ເຈົ້າເມືອງໆພູວົງ ພ້ອມດ້ວຍ ຄະນະນຳຂອງເມືອງ, ອົງການ ຈັດຕັ້ງບ້ານ ພ້ອມດ້ວຍ ພໍ່ແມ່ ປະຊາຊົນ ໃຫ້ການຕ້ອນຮັບ ຢ່າງອົບອຸ່ນ. ໂອກາດດັ່ງກ່າວ ທ່ານ ບຸນຈັນ ແສງລັງສີ ເລຂາພັກບ້ານ ພູໂຮມ ກໍ່ໄດ້ລາຍງານ ສະພາບ ການພັດທະນາ ເສດຖະກິດ-ສັງຄົມ ຂອງບ້ານໂດຍຫຍໍ້ ເຊິ່ງບ້ານພູໂຮມ ສ້າງຕັ້ງຂື້ນ ໃນປີ 1996 ຕັ້ງຫ່າງຈາກ ເທດສະບານເມືອງ ໄປທາງທິດໃຕ້ 5 ກິໂລແມັດ ເປັນບ້ານ ຊົນເຜົ່າເບົຣາ ທີ່ຍົກຍ້າຍລົງມາ ແຕ່ພູດອຍ ເພື່ອຫັນອາຊີບ ຈາກການເຮັດໄຮ່ ແບບເລື່ອນລອຍ ລົງມາຕັ້ງຖິ່ນຖານ ຢູ່ທົ່ງພຽງ ເຮັດນາແບບຄົງທີ່. ເບື້ອງຕົ້ນມີ 21 ຄອບຄົວ, ພົນລະເມືອງ 54 ຄົນ, ມາຮອດ ປະຈຸບັນມີ 177 ຫຼັງຄາເຮືອນ, 232 ຄອບຄົວ, ພົນລະເມືອງ 1044 ຄົນ ໃນນີ້ເຜົ່າເບົຣາ ກວມ 95% ແລະ 5% ແມ່ນເຜົ່າລາວລຸ່ມ ເຊິ່ງອາຊີບຕົ້ນຕໍ ຂອງປະຊາຊົນ ແມ່ນເຮັດນາ ແລະ ປູກຝັງລ້ຽງສັດ ເປັນສຳຮອງ, ໃນບ້ານມີຄວາມ 100 ໂຕ, ງົວ 80 ໂຕ, ໝູ 90 ໂຕ ແລະ ສັດປີກ ຈຳນວນໝຶ່ງ ພ້ອມ ທັງໜອງປາ ແລະ ການບໍລິການ ອື່ນໆ ສ່ວນການຜະລິດເຂົ້າ ປີຜ່ານມາ ສະເລ່ຍໃສ່ພົນລະເມືອງ ຂອງບ້ານໄດ້ 600 ກວ່າກິໂລຕໍ່ຄົນ, ມີສຸກສາລາ 1 ແຫ່ງ, ມີນໍ້າບາດານ 12 ບໍ່, ເປັນບ້ານແບບຢ່າງ ສາທາລະນະສຸກ ຂອງເມືອງ, ມີໂຮງຮຽນປະຖົມ 1 ແຫ່ງ ສະເລ່ຍ ອັດຕະເຂົ້າຮຽນສຸດທິ ຂອງເດັກໃນເກນ ອາຍຸບັນລຸ ໄດ້ 99% ທັງເປັນບ້ານ ປະກາດຈົບມັດທະຍົມ ຕົ້ນບຳລຸງ ໃນປີ 2015. ບ້ານພູໂຮມ ເປັນບ້ານ ທີ່ມີພື້ນຖານໂຄງລ່າງ ດີພໍສົມຄວນ ມີເສັ້ນທາງ ເຂົ້າເຖິງສອງລະດູ, ມີໄຟ້າ, ອັນໄດ້ສ້າງເງື່ອນໄຂ ອຳນວຍຄວາມສະດວກ ໃນການພັດທະນາ ເສດຖະກິດ ຊີວິດການເປັນຢູ່ ຂອງປະຊາຊົນ ພາຍໃນບ້ານ ທີ່ມີມູນເຊື້ອດຸໝັ່ນ. ປະຈຸບັນມີ 222 ຄອບຄົວ ຫຼຸດພົ້ນ ຈາກຄວາມທຸກຍາກ ແລະ ຄອບຄົວທຸກຍາກ ຍັງເຫຼືອພຽງແຕ່ 10 ຄອບຄົວ ເທົ່າກັບ 4,5 % ຂອງຄອບຄົວ ທັງໝົດ ພາຍໃນບ້ານ. ຈາກນັ້ນ ທ່ານ ຈູມມະະລີ ໄຊຍະສອນ ອາດີດເລຂາທິການໃຫຍ່ ພັກປະຊາຊົນ ປະຕິວັດລາວ ອາດີດ ປະທານປະເທດ ໄດ້ສະແດງຊົມຊື່ນຍີນດີ ທີ່ໄດ້ມາເຫັນ ບ້ານພູໂຮມ ມີການພັດທະນາ ຫັນປ່ຽນຊີວິດໃໝ່ ຢ່າງຈະແຈ້ງ ພາຍໃຕ້ການນຳພາ ຂອງຄະນະພັກເມືອງ ກໍ່ຄືອຳນາດ ການປົກຄອງບ້ານ ແລະ ການມີສ່ວນຮ່ວມ ຂອງປະຊາຊົນ.

ຖືໂອກາດສຳຄັນ ດັ່ງກ່າວ ທ່ານ ໄດ້ຫວນຄືນ ມູນເຊື້ອການຕໍ່ສູ້ ປົດປ່ອຍຊາດ ເຊິ່ງເຜົ່າເບົຣາ ກໍ່ເປັນອີກເຜົ່າໜຶ່ງ ມີມູນເຊື້ອປະຕິວັດ ຕໍ່ສູ້ຢ່າງພິລະ ອາດຫານ, ຫຼາຍສະຫາຍ ໄດ້ກາຍເປັນ ນັກຮົບແຂ່ງຂັນ, ກາຍເປັນ ວິລະຊົນແຫ່ງຊາດ. ມາຮອດປະຈຸບັນ ພາຍຫຼັງທີ່ໄດ້ມາ ດຳລົງຢູ່ທົ່ງພຽງ ປະກອບອາຊີບແບບໃໝ່ ທີ່ບໍ່ຊິນເຄີຍ ແຕ່ອີງໃສ່ມູນເຊື້ອດຸໝັ່ນ ເຮັດໃຫ້ຊີວິດ ການເປັນຢູ່ ຂອງບ້ານພູໂຮມ ມີການຫັນປ່ຽນ ຢ່າງຕັ້ງໜ້າ ໂອກາດ ດັ່ງກ່າວ ທ່ານ ຈູມມະລີ ໄຊຍະສອນ ຍັງໄດ້ຮຽກຮ້ອງ ມາຍັງອຳນາດ ການປົກຄອງບ້ານ ແລະ ພໍ່ແມ່ ປະຊາຊົນ ຈົ່ງເສີມຂະຫຍາຍ ມູນເຊື້ອ ຄວາມສາມັກຄີ, ມູນເຊື້ອຄວາມດຸໝັ່ນ ໃນການປູກ-ການລ້ຽງ ຕາມເງື່ອນໄຂ, ຕາມທ່າແຮງ ໂດຍນຳໃຊ້ເຕັກນິກ ແລະ ແນວພັນທີ່ດີ ເພື່ອການຜະລິດ ທີ່ມີຄຸນນະພາບ ຕິດພັນກັບການ ສົ່ງເສີມຂອງໂຄງການ ທີ່ມາລົງທືນ ພ້ອມນັ້ນ ຕ້ອງໄດ້ເອົາໃຈໃສ່ ທາງດ້ານການ ສືກສາເພື່ອປົດປ່ອຍ ຄວາມໂງ່ຈ້າຫຼ້າຫຼັງ ຍົກສູງເຊີດຊູບົດບາດ ເພດຍິງຂອງເຜົ່າ ຮັບປະກັນ ສຸຂະອານາໄມ, ອະນຸລັກ ແລະ ສົ່ງເສີມ ຮີດຄອງປະເພນີ ຂະນົບທຳນຽມ ເພື່ອສ້າງ ບ້ານພູໂຮມ ເມືອງພູວົງ ໃຫ້ກາຍເປັນ ບ້ານແບບຢ່າງ ໃນການພັດທະນາ ໃນອານາຄົດ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008