banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:461
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3981
ເດືອນນີ້:ເດືອນນີ້:8995
ທັງໝົດ:ທັງໝົດ:207958

Lao National Radio

radio

ແຜນທີແຂວງ ອັດຕະປື

administrative map

 

 

ນາຍົກລັດຖະມົນຕີ ຢ້ຽມຢາມ ແລະ ເຮັດວຽກ ຢູ່ແຂວງອັດຕະປື: ລະຫວ່າງ ວັນທີ 15-16 ຕຸລາ 2016, ທ່ານ ທອງລຸນ ສີສຸລິດ, ນາຍົກລັດຖະມົນຕີ ພ້ອມຄະນະ, ໄດ້ເດີນທາງ ມາຢ້ຽມຢາມ ແລະ ເຮັດວຽກ ຢູ່ແຂວງອັດຕະປື ເພື່ອຕິດຕາມ ແລະ ຊຸກຍູ້ການພັດທະນາ ເສດຖະກິດສັງຄົມ ພາຍໃນແຂວງດັ່ງກ່າວ ໂດຍໃຫ້ການຕ້ອນຮັບຈາກ ທ່ານ ປອ ນາມ ວິຍາເກດ, ເຈົ້າແຂວງ ອັດຕະປື ພ້ອມດ້ວຍ ຄະນະພັກ ແລະ ຄະນະນຳແຂວງ. ໃນການຢ້ຽມຢາມ ຄັ້ງນີ້, ທ່ານ ນາຍົກລັດຖະມົນຕີ ໄດ້ຮັບຟັງການ ລາຍງານກ່ຽວກັບ ການພັດທະນາ ເສດຖະກິດ-ສັງຄົມ ຂອງແຂວງອັດຕະປື ຈາກທ່ານເຈົ້າແຂວງ ເຊິ່ງໄລຍະ 9 ເດືອນຜ່ານມາ ແຂວງອັດຕະປື ຍາດໄດ້ຜົນສຳເລັດ ຫລາຍດ້ານ ໃນການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມ ຂອງແຂວງ. ອັນທີ່ພົ້ນເດັ່ນແມ່ນ ເສດຖະກິດ ສືບຕໍ່ຂະຫຍາຍ ຕົວຢ່າງຕໍ່ເນື່ອງ, ລວມຍອດຜະລິດຕະພັນ ພາຍໃນສະເລ່ຍ ຕໍ່ຫົວຄົນໄດ້ 1,680 ໂດລາສະຫະລັດ; ເກັບລາຍຮັບໄດ້ 113 ຕື້ກີບ ເທົ່າກັບ 73% ຂອງແຜນການ; ລາຍຈ່າຍ ປະຕິບັດໄດ້ 324 ຕື້ກີບ ເທົ່າກັບ 97,4% ຂອງແຜນການ; ປູກເຂົ້ານາປີໄດ້ 23.320 ເຮັກຕາ, ຄາດຄະເນຜົນຜະລິດ ຈະໄດ້ 94.690 ໂຕນ ທຽບໃສ່ແຜນການ ປະຕິບັດໄດ້ 96,4% ພ້ອມນີ້ທ່ານ ນາຍົກລັດຖະມົນຕີ ໄດ້ລົງຊີ້ນຳ, ຊຸກຍູ້ການຜະລິດ-ທຸລະກິດ ຈຳນວນໜຶ່ງ ຢູ່ເມືອງ ໄຊເສດຖາ ແລະ ເມືອງສາມັກຄີໄຊ ແລະ ໄດ້ເດີນທາງ ໄປຢ້ຽມຢາມ ສະໜາມບິນ ແຂວງອັດຕະປື ເຊິ່ງສະໜາມບິນ ດັ່ງກ່າວ ຕັ້ງຢູ່ເມືອງໄຊເສດຖາ ຫ່າງຈາກເທດສະບານແຂວງ 28 ກິໂລແມັດ; ສຳເລັດການກໍ່ສ້າງ ແລະ ເລີ່ມໃຫ້ບໍລິການ ໃນປີ 2015, ສາມາດຮອງຮັບ ແລະ ອໍານວຍຄວາມສະດວກ ໃຫ້ແກ່ການ ດຶງດູດການລົງທຶນ, ບໍລິການການ ທ່ອງທ່ຽວ, ການຄົມມະນາຄົມ ຂົນສົ່ງ, ປະກອບສ່ວນ ໃນການພັດທະນາ ເສດຖະກິດ-ສັງຄົມ ຂອງແຂວງ ແລະ ນະໂຍບາຍ ການເປັນທາງຜ່ານ ຂອງປະເທດ. ປະຈຸບັນ, ໄດ້ໃຫ້ບໍລິການ ຖ້ຽວບິນນະຄອນ ຫຼວງວຽງຈັນ - ປາກເຊ - ອັດຕະປື - ນະຄອນຫຼວງ ວຽງຈັນ 3 ວັນຕໍ່ອາທິດ (ຈັນ, ພຸດ, ສຸກ), ລູກຄ້າ ສ່ວນຫຼາຍ ແມ່ນຈາກແຂວງ ເຊກອງ ແລະ ພາຍໃນ ແຂວງອັດຕະປື, ໃນຕໍ່ໜ້າ ຄາດຄະເນວ່າ ຈະມີຜູ້ມາ ໃຊ້ບໍລິການ ຈາກແຂວງ ທີ່ໃກ້ຄຽງຂອງ ເພື່ອນຫວຽດນາມ ຊຶ່ງຈະເປັນການປະກອບສ່ວນ ທີ່ສຳຄັນ ເຂົ້າໃນເຊື່ອມໂຍງ ລະຫວ່າງພາກພື້ນ ແລະ ອະນຸພາກພື້ນ.

ທ່ານ ນາຍົກລັດຖະມົນຕີ ພ້ອມດ້ວຍ ຄະນະຍັງໄດ້ ໄປຢ້ຽມຢາມສວນ ໝາກມັງກອນ ຂອງ ບໍລິສັດຮວງແອງ ຢາລາຍ ເຊິ່ງຄະນະຮັບຜິດຊອບ ສວນດັ່ງກ່າວ ໄດ້ແຈ້ງໃຫ້ຊາບ ວ່າ: ໄດ້ເລີ່ມປູກ ໝາກມັງກອນ ແຕ່ກາງປີ 2016 ໃນເນື້ອທີ່ 500 ກ່ວາເຮັກຕາ, ດ້ວຍແນວພັນ ໝາກມັງກອນ ເນື້ອສີແດງ, ຄາດວ່າຜົນຜະລິດ ຈະໄດ້ປະມານ 40 ໂຕນ ຕໍ່ເຮັກຕາ. ນອກຈາກປູກໝາກ ມັງກອນແລ້ວ, ບໍລິສັດ ຮວງແອງ ຢາລາຍ ຍັງໄດ້ກ້າເບັ້ຍ ກຽມປູກໝາກພ້າວ ແລະ ໝາກກ້ວຍ ເພື່ອເປັນສິນຄ້າ ສົ່ງຂາຍ ທັງພາຍໃນ ແລະ ຕ່າງປະເທດ. ທ່ານ ນາຍົກລັດຖະມົນຕີ ຍັງໄດ້ແນະນຳ ບໍ່ໃຫ້ໃຊ້ໄມ້ແກ່ນລ້ອນ ເປັນເສົາປູກ ໝາກມັງກອນ ເພື່ອຮັກສາ ປ່າໄມ້ໃຫ້ຂຽວງາມ. ໃນເວລາຕໍ່ມາ, ທ່ານ ນາຍົກລັດຖະມົນຕີ ໄດ້ໄປຢ້ຽມຢາມ ໂຮງງານປຸງແຕ່ງ ອາຫານສັດ ຂອງທ່ານ ບຸນຮຽງ, ຢູ່ບ້ານແກ້ງໃຫຍ່, ເມືອງໄຊເສດຖາ, ແຂວງອັດຕະປື ເຊິ່ງເປັນໂຮງງານ ແບບຄອບຄົວ ທີ່ສາມາດຜະລິ ດຫົວອາຫານສັດ ໄດ້ປະມານ 20 ໂຕນຕໍ່ມື້ ເພື່ອສະໜອງ ໃຫ້ແກ່ການລ້ຽງສັດ ຂອງຄອບຄົວ ແລະ ຈຳໜ່າຍພາຍ ໃນເມືອງ ແລະ ແຂວງ ຈາກນັ້ນໄດ້ໄປຢ້ຽມຢາມ ການທົດລອງ ປູກເຂົ້າຈ້າວພັນມະລິ ຂອງປະຊາຊົນ ຢູ່ບ້ານໄຊສີ, ເມືອງໄຊເສດຖາ ເຊິ່ງສາມາດ ຍົກສູງສະມັດຖະພາບ ການຜະລິດເຂົ້າ ໂດຍສະເລ່ຍ ປະມານ 4-5 ໂຕນຕໍ່ເຮັກຕາ. ຕໍ່ມາໃນ ວັນທີ 16 ຕຸລາ 2016, ທ່ານ ນາຍົກລັດຖະມົນ ຕີພ້ອມຄະນະ ກໍ່ໄດ້ສືບຕໍ່ ເດີນທາງໄປຢ້ຽມຢາມ ຟາມລ້ຽງງົວ ຂອງທ່ານ ເພັດສະໄໝ ຂຸມເພັດສະວົງ ຢູ່ບ້ານກະຍື ເມືອງສາມັກຄີໄຊ ແຂວງອັດຕະປື ມີເນື້ອທີ່ ທັງໝົດ 100 ເຮັກຕາ, ໄດ້ເລີ່ມລ້ຽງງົວ ໃນປີ 2010 ຈາກທີ່ມີງົວ 50 ໂຕ ມາຮອດປະຈຸບັນ ເພີ່ມຂຶ້ນເຖິງ 140 ໂຕ, ຄວາຍ 30 ໂຕ, ສະໜອງຊີ້ນ ໃຫ້ຕະຫລາດ ພາຍໃນ ແລະ ສາມາດສ້າງລາຍໄດ້ ປີລະປະມານ 100 ລ້ານກີບ ແລະ ໄປຢ້ຽມຢາມ ຟາມລ້ຽງໄກ່ບົວລະພາ ພົມມະຈັກ ຕັ້ງຢູ່ບ້ານໄຊໂພສີ ຕື່ມອີກ. ໃນການລົງຢ້າມຢາມ ແລະ ຊຸກຍູ້ພື້ນຖານການຜະລິດ ຢູ່ທ້ອງຖິ່ນຄັ້ງນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ແນະນໍາ ໃຫ້ຄະນະພັກ ແລະ ອົງການປົກຄອງ ກໍ່ຄືຂະແໜງການຕ່າງໆ ຂອງແຂວງອັດຕະປື ຈົ່ງພ້ອມກັນ ເອົາໃຈໃສ່ ສືບຕໍ່ຊີ້ນຳຊຸກຍູ້ ສົ່ງເສີມການຜະລິດ ກະສິກຳ, ການປູກ-ການລ້ຽງ ແລະ ຜະລິດສະບຽງອາຫານ ເປັນສິນຄ້າ ຂອງປະຊາຊົນ ໂດຍອີງໃສ່ທ່າແຮງ ບົ່ມຊ້ອນຕົວຈິງ ແລະ ມູນເຊື້ອ ຂອງປະຊາຊົນ ໃນແຕ່ລະບ່ອນ. ເອົາໃຈໃສ່ ຊຸກຍູ້ສົ່ງເສີມ ໃຫ້ຊາວກະສິກອນ ຈົ່ງພ້ອມກັນ ຕັ້ງໜ້າ ຜະລິດໃເປັນສິນຄ້າ ແລະ ມີຄຸນະພາບ ພ້ອມທັງ ສົ່ງເສີມມູນເຊື້ອທີ່ດີ. ພ້ອມກັນ, ພັດທະນາຄຸນນະພາບ ຊີວິດການເປັນຢູ່ ຂອງປະຊາຊົນ ກໍ່ຄືພັດທະນາສ້າງສາບ້ານ ເມືອງຂອງຕົນ ໃຫ້ນັບມື້ຮັ່ງມີ ເຂັ້ມແຂງຂຶ້ນເລື້ອໆ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008