banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:446
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3966
ເດືອນນີ້:ເດືອນນີ້:8980
ທັງໝົດ:ທັງໝົດ:207943

Lao National Radio

radio

ແຜນທີແຂວງ ອັດຕະປື

administrative map

 

 

ທ່ານ ຮອງເລຂາພັກແຂວງ ປະທານສະພາ ປະຊາຊົນແຂວງ ລົງຢ້ຽມຢາມ ຊຸກຍູ້ການຜະລິດ ເມືອງຊານໄຊ ທ້າຍອາທິດແລ້ວນີ້ ທ່ານເລັດ ໄຊຍະພອນ ຮອງເລຂາພັກແຂວງ, ປະທານສະພາປະຊາຊົນ ແຂວງພ້ອມດ້ວຍ ພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມ, ກະສິກຳ, ສາທາລະນະສຸກ, ຫ້ອງວ່າການແຂວງ ແລະ ເລຂາທິການສະພາ ໄດ້ລົງເຄື່ອນໄຫວ ຢ້ຽມຢາມເພືຶ່ອຕິດຕາມ ແລະ ຊຸກຍູ້ການພັດທະນາ ເສດຖະກິດ-ສັງຄົມ ເມືອງຊານໄຊ ໃຫ້ກຽດຕ້ອນຮັບ ຄະນະນຳຂອງແຂວງ ໂດຍແມ່ນທ່ານ ບຸນເນັມ ໄຊຍະເສັ້ມ ຮອງເລຂາພັກເມືອງ ປະທານກວດກາເມືອງ ຊານໄຊ ພ້ອມຄະນະນຳ ຂອງເມືອງໃຫ້ການ ຕ້ອນຮັບ ພ້ອມທັງຮັບຟັງ ການລາຍງານ ຂອງເມືອງ ກ່ຽວກັບການ ຊີ້ນຳ-ນຳພາ ລວມຂອງອົງຄະນະພັກເມືອງ ໃນແຕ່ລະຂົງເຂດ ເປັນຕົ້ນແມ່ນການຈັດຕັ້ງ ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ່ x ຂອງພັກ, ຂອງແຂວງ ແລະ ຂອງເມືອງ ໃນນີ້ໄດ້ເລັ່ງໃສ່ ການແກ້ໄຂຄວາມທຸກຍາກ ຂອງປະຊາຊົນ ໂດຍໄດ້ສົ່ງພະນັກງານ ລົງກໍ່ສ້າງຮາກຖານ ການເມືອງ ໄປປະຈຳຕາມ ຈຸດສຸມກຸ່ມບ້ານ ເພື່ອປຸກລະດົມ ນຳພາພໍ່ແມ່ປະຊາຊົນ ໃນການຫັນມາທຳການຜະລິດ ແບບໃໝ່ ເປັນຕົ້ນ: ການລ້ຽງສັດ, ການປູກສາລີ, ມັນຕົ້ນ, ການປູກກາເຟ ແລະ ອື່ນໆ ໂດຍຕິດພັນກັບການ ສົ່ງເສີມຂອງ ໂຄງການ ແລະ ການລົງທືນ ຂອງບໍລິສັດ ນອກຈາກນັ້ນ ເມືອງຍັງໄດ້ເອົາໃຈໃສ່ ຈັດສົ່ງພະນັກງານ ວິຊາການ ລົງກໍ່ສ້າງ ຮາກຖານການເມືອງ ໄປປະຈຳແຕ່ລະຈຸດສຸມ ກຸ່ມບ້ານ ພ້ອມທັງມີການ ປັບປຸງກົງຈັກ ການຈັດຕັ້ງແຕ່ລະຂັ້ນ ເຮັດໃຫ້ລະບົບການເມືອງ ມີຄວາມໜັກ ແໜ້ນເຂັ້ມແຂງ ສ່ວນວຽກງານອື່ນໆເຫັນວ່າ ໄດ້ຮັບການເອົາໃຈໃສ່ ຈັດຕັ້ງປະຕິບັດ ຢ່າງເປັນປົກະຕິ. ໂອກາດດັ່ງກ່າວ ບັນດາພະນັກງານບຳນານ, ພໍ່ແມ່ປະຊາຊົນ, ຂະແໜງການ ແລະ ຄະນະຜູ້ແທນ ຈາກພະແນກການ ຂອງແຂວງ ກໍ່ໄດ້ປະກອບຄຳຄິດ, ຄຳເຫັນ ພ້ອມທັງມີບາງ ຄຳສະເໜີຈຳນວນໜື່ງ ເພື່ອໃຫ້ປະທານຊີ້ນຳ ເປັນຕົ້ນແມ່ນ: ບັນຫາຢາ ປະຈຳສຸກສາລາ, ການກໍ່ສ້າງ ເຂດບ້ານຈັດສັນ ທີ່ຖືກກະທົບຈາກການ ສ້າງເຄື່ອນເຊກະໝານ ຊັກຊ້າບໍ່ຖືກ ຕາມສັນຍາ, ການປັບປຸງສ້ອມແປງ ເສັ້ນທາງເຂດ ພູດອຍຄວນ ໃຫ້ບໍລິສັດທີ່ລົງທືນ ໃນເຂດດັ່ງກ່າວ ມີສ່ວນຮ່ວມ ຕະຫຼອດຮອດ ການລົງທືນພັດທະນາ ພື້ນຖານໂຄງລ່າງ ຂອງເມືອງ ແລະ ການພັດທະນາ ບຸກຄະລາກອນ ຂອງເມືອງ. ຕອນທ້າຍກອງປະຊຸມ ທ່ານເລັດ ໄຊຍະພອນ ຮອງເລຂາພັກແຂວງ ປະທານສະພາ ປະຊາຊົນແຂວງ ໄດ້ມີຄຳເຫັນໂອ້ລົມ ນອກຈາກທ່ານ ໄດ້ສະແດງຄວາມຊົມເຊີຍ ຕໍ່ຜົນງານ ທີ່ເມືອງຊານໄຊ ຍາດມາໄດ້ແລ້ວ ທ່ານ ຍັງໄດ້ມີຄຳເຫັນ ຊີ້ນຳບາງບັນຫາ ໃຫ້ຄະນະນຳ ຂອງເມືອງເອົາໃຈໃສ່ ເປັນຕົ້ນ: ການກຳນົດເຂດຜະລິດ ຂອງປະຊາຊົນ ໃຫ້ຈະແຈ້ງ ເພື່ອຊຸກຍູ້ສົ່ງເສີມ ຕາມເປົ້າໝາຍ. ພ້ອມນັ້ນ ການຂຽນໂຄງການຂອງເມືອງ ຕ້ອງມີຄວາມເປັນເອກະພາບ ໃນຄະນະນຳ ຂອງເມືອງກ່ອນ ມີການຈັດລຽງ ບູລິມະສິດ ຈິ່ງມອບໃຫ້ວິຊາການ ຫ້ອງການທີ່ກ່ຽວຂ້ອງ ນຳສະເໜີຫາແຂວງ ຕາມຂັ້ນຕອນ ເພື່ອຫຼີກລຽງ ບັນຫາຕ່າງໆ ໂດຍສະເພາະ ໂຄງການທີ່ບໍທັນ ມີຄວາມຈຳເປັນ ນອກຈາກນັ້ນ ການສົ່ງເສີມຜະລິດ ເປັນສິນຄ້າ ໂດຍສະເພາະ ສິນຄ້າທີ່ເປັນມູນເຊື້ອກົກເຄົ້າ ຂອງເມືອງ ເປັນຕົ້ນ: ການຕຳແຜ່ນແພ, ການຈັກສານ, ການສ້າງຜະລິດຕະພັນ ເປັນສິນຄ້າ ຕາມທ່າແຮງຂອງເມືອງ ທີ່ເປັນເອກະລັກ ຄວນໄດ້ຮັບການສົ່ງເສີມ ນອກຈາກນັ້ນ ທ່ານ ຮອງເລຂາພັກແຂວງ ຍັງໄດ້ເນັ້ນໃຫ້ ຄະນະນຳຂອງເມືອງ ຕ້ອງໄດ້ເພີ່ມທະວີ ຂຸດຄົ້ນທ່າແຮງ ໃນການຊອກລາຍຮັບ ໂດຍສະເພາະ ການເກັບລາຍຮັບ ຈາກທີ່ດີນ ຕ້ອງເຮັດ ຢ່າງເປັນຂະບວນ ກໍ່ຄືການແບ່ງຂັ້ນຄຸ້ມຄອງ ຕາມທິດສາມສ້າງ ລະຫວ່າງແຂວງ ກັບເມືອງໃຫ້ຈະແຈ້ງ. ໂອກາດສຳເລັດ ການພົບປະໂອ້ລົມ ທ່ານ ຮອງເລຂາພັກແຂວງ ປະທານສະພາ ພ້ອມດ້ວຍຄະນະນຳຂອງເມືອງ ຍັງໄດ້ລົງໄປຢ້ຽມຢາມ ໂຄງການລ້ຽງງົວ ແລະ ແບ້ ພື້ນເມືອງ, ລ້ຽງໝູ ແລະ ປູກພືດກະສິກຳ ຂອງປະຊາຊົນ ຕື່ມອີກ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008