banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:462
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3982
ເດືອນນີ້:ເດືອນນີ້:8996
ທັງໝົດ:ທັງໝົດ:207959

Lao National Radio

radio

ແຜນທີແຂວງ ອັດຕະປື

administrative map

 

 

ເນື່ອງໃນໂອກາດ ກຽມສະເຫຼີມ ສະຫຼອງວັນທີ 7 ຕຸລາ ວັນຄູແຫ່ງຊາດ ຄົບຮອບ 22 ປີ ໃນລະຫວ່າງ ວັນທີ 6 ຕຸລາ 2016 ຜ່ານມາ ທ່ານ ປອ ນາມ ວິຍະເກດ ກຳມະການສູນກາງພັກ ເລຂາພັກແຂວງ ເຈົ້າແຂວງ ອັດຕະປື ໄດ້ເຄື່ອນໄຫວ ຢ້ຽມຢາມ ລົງພົບປະ ຄູອາຈານ ໂຮງຮຽນ ມສ ຈັນທາ ແຂວງອັດຕະປື ໂດຍໄດ້ຮັບການ ຕ້ອນຮັບຢ່າງອົບອຸ່ນ ຈາກຄະນະ ອຳນວຍການ, ຄູອາຈານ ແລະ ນ້ອງນັກຮຽນ ໃນໂຮງຮຽນ ຢ່າງຫຼວງຫຼາຍ. ໂອກາດ ທ່ານ ເຈົ້າແຂວງ ລົງຢ້ຽມຢາມ ກໍ່ໄດ້ຮັບຟັງການລາຍງານ ສະພາບ ຈຸດພິເສດ ຂອງໂຮງຮຽນ ຈາກ ທ່ານ ພູທິດ ສິນລະປະ ອຳນວຍການ ໂຮງຮຽນ ມສ ຈັນທາ ເຊິ່ງໂຮງຮຽນ ດັ່ງກ່າວ ຕັ້ງຢູ່ໃຈກາງເທດສະບານ ຂອງແຂວງ ເປັນໂຮງຮຽນ ທີ່ຮັບນັກຮຽນມາ ຈາກຫຼາຍແຫ່ງ ທັງພາຍໃນແຂວງ ແລະ ຕ່າງແຂວງ, ມີອາຄານຮຽນ 6 ຫຼັງ ໃນນີ້ມີ ຫໍສະໝົດ 1 ຫ້ອງ, ຫ້ອງທົດລອງ 1 ຫ້ອງ, ມີ 7 ຊັ້ນຮຽນ, ມີຄູອາຈານສອນ ທັງໝົດ 68 ທ່ານ, ຍິງ 51 ທ່ານ, ສຳລັບສົກປີນີ້ ມີຈຳນວນນັກຮຽນ ເພີ່ມຂຶ້ນຈາກ 1,300 ກວ່າຄົນ ໃນສົກປີ 2015-2016 ເພີ່ມຂຶ້ນເປັນ 1,400 ກວ່າຄົນ ໃນສົກປີ 2016-2017.

ພ້ອມນີ້ ທ່ານ ເຈົ້າແຂວງ ກໍ່ຍັງໄດ້ຮັບຟັງ ການລາຍງານ ສະພາບວຽກງານ ການຄຸ້ມຄອງ ບໍລິຫານໂຮງຮຽນ, ການຍົກລະດັບວິທີການ ສິດສອນແບບໃໝ່ ລວມທັງບັນຫາ ແລະ ຂໍ້ສະເໜີຕ່າງໆ ໂອກາດດັ່ງກ່າວ ທ່ານ ເຈົ້າແຂວງ ອັດຕະປື ກໍ່ໄດ້ເປັນກຽດ ມີຄວາມເຫັນໂອ້ລົມ ເຊິ່ງບັນຫາສຳຄັນ ທ່ານໄດ້ຍົກໃຫ້ເຫັນ ສະພາບການ ທີ່ພົ້ນເດັ່ນ ຂອງວຽກງານ ການສືກສາ ໃນພາກພື້ນ ແລະ ໃນໂລກ ໂດຍສະເພາະ ແມ່ນການນຳ ໃຊ້ເທັກໂນໂລຊີ ເຂົ້າໃນການ ຮຽນການສອນ ໃຫ້ມີຄຸນນະພາບ ພ້ອມທັງຍົກໃຫ້ເຫັນ ຄວາມສຳຄັນ ຂອງວຽກງານ ການສືກສາ ເຊິ່ງເປັນຫົນທາງດຽວ ທີ່ຈະນຳພາທຸກຄົນ ຫຼຸດພົ້ນອອກຈາກ ຄວາມທຸກຍາກ ຖືໂອກາດສຳຄັນ ດັ່ງກ່າວ ທ່ານ ເຈົ້າແຂວງ ໄດ້ຮຽກຮ້ອງ ມາຍັງຄູອາຈານ ຈົ່ງຕັ້ງໜ້າປະຕິບັດ ໜ້າທີ່ອັນມີກຽດຂອງຕົນ ແລະ ຈົ່ງເອົາໃຈໃສ່ຝືກຝົນ ຫຼໍ່ຫຼອມຕົນເອງ ພັດທະນາຕົນເອງ ຍົກສູງຄວາມຮູ້ ຄວາມສາມາດ ພັດທະນາ ການຮຽນ-ການສອນ, ການສົ່ງຄວາມຮູ້ແບບ ໃໝ່ທີ່ໜ້າສົນໃຈ ໄປພ້ອມໆກັບການ ປູກຈິດສຳນຶກ ຮັກການຮຽນ ເພື່ອສ້າງຊັບພະຍາກອນມະນຸດ ທີ່ມີຄຸນະພາບ ໂອກາດດັ່ງກ່າວ ທ່ານ ເຈົ້າແຂວງ ຍັງໄດ້ລົງຢ້ຽມຢາມ ຫ້ອງຮຽນ ລົງກວດກາ ອາຄານຮຽນ ຈຳນວນໜື່ງ ພ້ອມທັງປືກສາຫາລື ໃນການບູລະນະ ເພື່ອອຳນວຍຄວາມສະດວກ ໃຫ້ແກ່ການຮຽນ-ການສອນ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008