banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:477
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3997
ເດືອນນີ້:ເດືອນນີ້:9011
ທັງໝົດ:ທັງໝົດ:207974

Lao National Radio

radio

ແຜນທີແຂວງ ອັດຕະປື

administrative map

 

 

border 2

ຄະນະກຳມະການ ຊາຍແດນຂັ້ນແຂວງ ເຂົ້າຮ່ວມກອງປະຊຸ ມທີ່ແຂວງກອນຕູມ ສສ ຫວຽດນາມ ຄັ້ງວັນທີ 28/7/2016 ໂດຍປະຕິບັດຕາມຄຳເຊີນ ຂອງຄະນະກຳມະການ ປະຊາຊົນ ແຂວງກອນຕູມ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ສະບັບເລກທີ 125, ລົງວັນທີ 14/7/2016 ແລະ ຕາມການແຕ່ງຕັ້ງ ຂອງເຈົ້າແຂວງອັດຕະປື ສະບັບເລກທີ 689/ຈຂ.ອປ,​ ລົງວັນທີ 21/7/2016; ໃນວັນທີ 27/7/2016 ຄະນະຜູ້ແທນຂອງ ແຂວງອັດຕະປື ນຳໂດຍ ທ່ານ ພອນສະໄໝ ມຽງລາວັນ ຮອງເລຂາພັກແຂວງ, ຮອງເຈົ້າແຂວງ, ຫົວໜ້າຄະນະກຳມະການ ຊາຍແດນຂັ້ນແຂວງ ພ້ອມຄະນະ ແລະ ວິຊາການກ່ຽວຂ້ອງ 09 ທ່ານ ໄດ້ເດີນ ທາງຈາກແຂວງອັດຕະປື ສາທາລະນະລັດ ປະຊາທິປະໄຕ ປະຊາຊົນລາວ ໄປຍັງແຂວງກອນຕູມ ສາທາລະນະລັດ ສັງຄົມນິຍົມ ຫວຽດນາມ ໂດຍຜ່ານດ່ານ ສາກົນພູເກືອ-ເບີອີ ເພື່ອເຂົ້າຮ່ວມ ກອງປະຊຸມສະຫລຸບ ວຽກງານ ປັກຫຼັກໝາຍຖີ່, ບູລະນະລະບົບ ຫຼັກໝາຍຊາຍແດນ ປະເທດ ຫວຽດນາມ-ລາວ ໄລຍະແຂວງ ກອນຕູມ-ແຂວງ ອັດຕະປື-ແຂວງ ເຊກອງ ທີ່ແຂວງກອນຕູມ ຈັດຂຶ້ນ; ກອງປະຊຸມ ໄດ້ເປີດຂຶ້ນ ຢ່າງເປັນທາງການ ໃນວັນທີ 28/7/2016 ທີ່ໂຮງແຮມອິນດູຈີນ (​DONG DUONG HOTEL) ໂດຍພາຍໃຕ້ການເປັນ ຄະນະປະທານຂອງ ທ່ານ ຫງວຽນ ວັນ ຮວ່າ ຮອງເລຂາພັກແຂວງ, ປະທານຄະນະກຳມະການ ປະຊາຊົນ ແຂວງກອນຕູມ, ທ່ານ ພັອ ອາມຽນ ຫົວໜ້າກອງບັນຊາການ ທະຫານ ຊາຍແດນ ຫວຽດນາມ, ຮອງຫົວໜ້າຊີ້ນຳ ວຽກປັກຫລັກໝາຍ ຊາຍແດນແຂວງ ກອນຕູມ, ທ່ານ ນ. ອີ ລີ ຈາງ ຫົວໜ້າພະແນກ ການຕ່າງປະເທດ, ຮອງຫົວໜ້າ ຊີ້ນຳວຽກປັກຫລັກໝາຍ ຊາຍແດນ ແຂວງກອນຕູມ; ຕາງໜ້າ ແຂວງອັດຕະປືແມ່ນ ທ່ານ ພອນສະໄໝ ມຽງລາວັນ ຮອງເລຂາ ພັກແຂວງ-ຮອງເຈົ້າແຂວງ, ຫົວໜ້າຄະນະກຳ ມະການຊາຍແດນ ຂັ້ນແຂວງ, ແຂວງເຊກອງ ແມ່ນ ທ່ານ ຖາວອນ ພົມມະໄລລຸນ ຮອງເຈົ້າແຂວງ; ນອກນີ້ ຍັງມີບັນດາທ່ານ ທີ່ເປັນອາດີດການນຳ ຂອງແຂວງກອນຕູມ ເຂົ້າຮ່ວມ; ມີຄະນະໜ່ວຍປັກຫລັກໝາຍ ຊາຍແດນ ພ້ອມວິຊາການ ທີ່ເປັນຕົວແທນ ຂອງແຂວງ ກອນຕູມ ສ.ສ ຫວຽດນາມ, ແຂວງອັດຕະປື ແລະ ແຂວງເຊກອງ ສປປ ລາວ ເຂົ້າຮ່ວມ ຢ່າງພ້ອມພຽງ.

border 1

ກອງປະຊຸມ ໄດ້ຮັບຟັງການລາຍງານ ສະພາບການຈັດຕັ້ງປະຕິບັດ ວຽກງານປັກຫຼັກໝາຍຖີ່, ບູລະນະລະບົບ ຫຼັກໝາຍຊາຍແດນ ປະເທດ ຫວຽດນາມ-ລາວ ໄລຍະແຂວງ ກອນຕູມ-ແຂວງ ອັດຕະປື-ແຂວງເຊກອງ ຈາກ ທ່ານ ນາງ ອີ ລີ ຈາງ ຫົວໜ້າພະແນກ ການຕ່າງປະເທດ, ຮອງຫົວໜ້າຊີ້ນຳວຽກ ປັກຫລັກໝາຍຊາຍແດນ ແຂວງກອນຕູມ ເຊິ່ງທ່ານໄດ້ລາຍງານ ໃຫ້ຮູ້ວ່າຜ່ານການຈັດຕັ້ງ ປະຕິບັດຕົວຈິງ ກ່ຽວກັບວຽກງານ ດັ່ງກ່າວ, ຜົນສຳເລັດອັນຕົ້ນຕໍ ແມ່ນມາຈາກການຊີ້ນໍາໆ ພາຂອງ ສອງພັກ-ສອງລັດ ກໍ່ຄືສອງປະເທດ (ລາວ-ຫວຽດນາມ, ຫວຽດນາມ-ລາວ) ເວົ້າລວມ; ເວົ້າສະເພາະ ແມ່ນຜົນສໍາເລັດທີ່ມາຈາກການຊີ້ນໍາໆພາຂອງຄະນະນໍາຂັ້ນແຂວງ ແລະ ການເຮັດໜ້າທີ່ ຂອງໜ່ວຍງານວິຊາການ ພາກສະໜາມ ຂອງສາມແຂວງ ( ກອນຕູມ, ອັດຕະປື ແລະ ແຂວງເຊກອງ ); ໃນນີ້, ຄູ່ແຂວງອັດຕະປື ແລະ ກອນຕູມ ກໍ່ແມ່ນຄູ່ແຂວງໜຶ່ງ ທີ່ມີຜົນເລັດກ່ອນ ໜູ່ໃນບັນດາ 10 ຄູ່ແຂວງ ທົ່ວປະເທດ ທີ່ມີເສັ້ນຊາຍແດນ ຕິດຈອດ ໃນເດືອນ 4/2011; ຈາກນັ້ນ ເດືອນ 9/2011 ໜ່ວຍຄູ່ແຂວງອັດຕະປື-ກອນຕູມ ກໍ່ໄດ້ຮັບການມອບໝາຍ ໃຫ້ໄປຊ່ວຍໜ່ວຍຄູ່ແຂວງອື່ນ ຢູ່ທາງພາກເໜືອ ກໍ່ລ້ວນແຕ່ ໄດ້ຮັບຜົນສໍາເລັດ; ຕໍ່ໜາກຜົນສໍາເລັດ ອັນໂດດເດັ່ນຄື ແນວນັ້ນ ລັດຖະບານທັງ ສອງປະເທດ ໄດ້ຕົກລົງມອບ ໃບຫລຽນກາ, ຫລຽນໄຊ ໃຫ້ແກ່ບຸກຄົນ ທີ່ມີຜົນງານດີເດັ່ນ ໃນການປະກອບ ສ່ວນເຂົ້າໃນວຽກງານ ດັ່ງກ່າວ ໂດຍຖືເອົາເວລາສະຫລຸບ ມື້ນີ້ເປັນມື້ມອບ ຢ່າງເປັນທາງການ ແລະ ສົມກຽດ. ການຈັດຕັ້ງປະຕິບັດ ວຽກງານ ປັກຫຼັກໝາຍຖີ່, ບູລະນະລະບົບ ຫຼັກໝາຍຊາຍແດນ ໃນບັນດາ 10 ຄູ່ແຂວງ ຂອງສອງປະເທດ ລາວ-ຫວຽດນາມ, ຫວຽດນາມ-ລາວ ເວົ້າລວມ; ເວົ້າສະເພາະແມ່ນ ລະຫວ່າງ ສອງແຂວງ ອັດຕະປື ກັບ ແຂວງກອນຕູມ ໃນຊ້ວງປີ 2007 ເປັນຕົ້ນມາ; ສຳລັບແຂວງອັດຕະປື ໄດ້ມີການປັບປຸງ, ສັບປ່ຽນໜ້າທີ່ ຂອງຄະນະຊີ້ນໍາ ຂັ້ນແຂວງ ມາຮອດປະຈຸບັນ ທ່ານ ພອນສະໄໝ ມຽງລາວັນ ຮອງເລຂາ ພັກແຂວງ-ຮອງເຈົ້າແຂວງ ມາຮັບໜ້າທີ່ ເປັນປະທານຄະນະ ຊີ້ນຳວຽກງານຊາຍແດນ ຂັ້ນແຂວງເປັນ ຜູ້ທີ 3 ໄລຍະຕົ້ນປີ 2016 ເປັນຕົ້ນມາ ( ເລີ່ມຈາກທ່ານ ແຄນທອງ ສີສຸວົງ ອາດີດຮອງເຈົ້າແຂວງ ຮັບໜ້າທີ່ປີ 2007-2009, ທ່ານ ນ.​ ຫວັດສະດີ ໂຄດໂຍທາ ອາດີດຮອງ ເລຂາພັກແຂວງ-ຮອງເຈົ້າແຂວງ ມາຮັບຊ່ວງໄລຍະປີ 2009-2015 ); ແນ່ນອນວ່າບັນດາຜົນງານທັງໝົດ ຜ່ານມາ ແມ່ນພາຍໃຕ້ການ ຊີ້ນຳໆພາຂອງສອງ ທ່ານຮ່ວມກັບຄະນະ ແລະ ໜ່ວຍປະສົມ ປັກຫລັກໝາຍ; ແຕ່ເຖິງຢ່າງໃດກໍ່ດີ ການລາຍງານສະພາບ ການຈັດຕັ້ງປະຕິບັດວຽກງານ ປັກຫລັກໝາຍຖີ່, ບູລະນະລະບົບ ຫລັກໝາຍຊາຍແດນ ເບື້ອງແຂວງກອນຕູມ ທີ່ສະເໜີໂດຍ ສະຫາຍ ນາງ ອີ ລີ ຈາງ ຫົວໜ້າພະແນກ ການຕ່າງປະເທດ, ຮອງຫົວໜ້າຄະນະ ຊີ້ນຳປັກຫລັກໝາຍ ຊາຍແດນ, ຄວາມສໍາເລັດ ແມ່ນຄວາມພະຍາຍາມ ສູງຈາກການຊີ້ນຳ-ນຳພາ ຂອງຄະນະຊີ້ນຳ ຂອງແຂວງກອນຕູມ ກໍ່ຄືການປະຕິບັດໜ້າທີ່ ຂອງໜ່ວຍປັກຫລັກໝາຍ ທີ່ປະຈໍາຢູ່ພາກສະໜາມ, ໄດ້ພ້ອມກັນຕັດສິນໃຈ ຜ່ານຜ່າບັນດາ ອຸປະສັກຕ່າງໆ ນາໆເຮັດສໍາເລັດໜ້າທີ່ ທີ່ພັກ-ລັດ ໄດ້ມອບໝາຍ ໃຫ້ຈົນໄດ້ຮັບຜົນສຳເລັດ ໃນໄລຍະຜ່ານມາ ການຈັດຕັ້ງປະຕິບັດ ວຽກງານ ປັກຫຼັກໝາຍຖີ່ ແລະ ບູລະນະລະບົບ ຫຼັກໝາຍຊາຍແດນ ແຫ່ງຊາດ ລາວ-ຫວຽດນາມ ໄລຍະແຂວງອັດຕະປື ແລະ ແຂວງກອນຕູມ ໄດ້ພົບກັບ ຄວາມຫຍຸ້ງຍາກ ແລະ ສັບສົນຫຼາຍປະການ ໂດຍສະເພາະ ແມ່ນສະພາບ ດິນຟ້າອາກາດ ມີການປ່ຽນແປງ, ສະພາບພູມສັນຖານ ສູງຊັນ, ເສັ້ນທາງຄົມມະນາຄົມ ຫຍຸ້ງຍາກລຳບາກ ແລະ ບັນຫາອື່ນໆ ທີ່ໄດ້ສົ່ງຜົນ ສະທ້ອນ ຢ່າງໃຫຍ່ຫຼວງ ຕໍ່ກັບການດຳເນີນງານ ກໍ່ສ້າງປັກຫຼັກໝາຍ ແຕ່ດ້ວຍຄວາມ ຕັດສິນໃຈສູງ ກໍ່ຄືການ ເອົາໃຈໃສ່ຊີ້ນຳໆ ພາຂອງ ການນຳ ບວກກັບ ນ້ຳໃຈປະຕິວັດ, ຄວາມຮັບຜິດຊອບສູງ ຂອງຄະນະໜ່ວຍ ແລະ ວິຊາການປະສົມ ພາກສະໜາມ ຂອງສອງແຂວງ ອັດຕະປື ແລະ ແຂວງກອນຕູມ ຈິ່ງສາມາດປະຕິບັດ ສຳເລັດຕາມແຜນ ໃນການປັກຫຼັກໝາຍຖີ່ ແລະ ບູລະນະລະບົບ ຫຼັກໝາຍຊາຍແດນ ແຫ່ງຊາດ ລາວ-ຫວຽດນາມ ໄລຍະແຂວງອັດຕະປື-ແຂວງກອນຕູມ ຈໍານວນ 33 ຫຼັກໝາຍ, ຜົນສໍາເລັດຮ່ວມກັນ ດັ່ງກ່າວ ອັນຕົ້ນຕໍກໍ່ແມ່ນມາຈາກ ການປະກອບສ່ວນເບື້ອງ ແຂວງກອນຕູມ ຫລາຍກວ່າ, ດ້ວຍທ່າແຮງ ແລະ ຄວາມສະດວກ ຫລາຍກວ່າ ແຕ່ກໍ່ໄດ້ຜົນ ສຳເລັດທີ່ໂດດ ເດັ່ນຮ່ວມກັນ; ດັ່ງນັ້ນ, ທ່ານ ພອນສະໄໝ ມຽງລາວັນ ຮອງເລຂາພັກ ແຂວງ-ຮອງເຈົ້າແຂວງ ອັດຕະປື ຕາງໜ້າໃຫ້ ແກ່ຄະນະພັກ-ອຳນາດ ການປົກຄອງແຂວງ ໄດ້ຖືໂອກາດນີ້ ສະແດງຄວາມຂອບອົກ ຂອບໃຈມາຍັງຄະນະພັກ- ອຳນາດການປົກຄອງ, ຄະນະຊີ້ນໍາວຽກ ງານຊາຍແດນ ແລະ ໜ່ວຍປັກຫລັກໝາຍຊາຍແດນ ຂອງແຂວງກອນຕູມ ທີ່ໄດ້ອຸປະຖໍາ ຊ່ວຍເຫລືອໃນດ້ານຕ່າງໆ ໃຫ້ແກ່ຜົນສຳເລັດໃນຄັ້ງ ນີ້ດ້ວຍຄວາມ ຈິງອົກຈິງໃຈ. ຕໍ່ຜົນສຳເລັດ ແລະ ຜົນງານ ທີ່ສອງຊາດ ລາວ-ຫວຽດນາມ ທີ່ຍາດມາໄດ້ ເວົ້າລວມ, ເວົ້າສະເພາະ ແຂວງອັດຕະປື ແລະ ແຂວງກອນຕູມ ໃນການຈັດຕັ້ງປະຕິບັດ ໂຄງການ ປັກຫຼັກໝາຍຖີ່ ແລະ ບູລະນະລະ ບົບຫຼັກໝາຍຊາຍແດນ ລາວ-ຫວຽດນາມ ໄດ້ສຳເລັດຢ່າງຈົບງາມ ເພື່ອສືບຕໍ່ປົກປັກຮັກສາ ແລະ ບູລະນະຫຼັກໝາຍ ລະຫວ່າງຊາດ ຂອງພວກເຮົາ ໃຫ້ຢືນຍົງຕະຫລອດໄປ, ສອງແຂວງອັດຕະປື ແລະ ກອນຕູມ ຈະສືບຕໍ່ເພີ້ມທະວີ ສາຍພົວພັນ ຄວາມ ສາມັກຄີ, ມິດຕະພາບ ແບບພິເສດ ແລະ ການຮ່ວມມື ຮອບດ້ານ ລະຫວ່າງ ລາວ-ຫວຽດນາມ ກໍ່ຄືສອງແຂວງອັດຕະປື ແລະ ແຂວງ ກອນຕູມ, ປະສານສົມທົບ ໃນການແລກປ່ຽນ ຂໍ້ມູນຂ່າວສານ ແລະ ຮ່ວມກັນ ລົງກວດກາສອງຝ່າຍ ຕາມບໍລິເວນຊາຍແດນ, ຫຼັກໝາຍຊາຍແດນ ລາວ-ຫວຽດນາມ ແລະ ຫວຽດນາມ-ລາວ ຢ່າງເປັນປົກກະຕິ, ສຶກສາອົບຮົມ, ເຜີຍແຜ່ ລະບຽບການຊາຍແດນ ແລະ ສົນທິສັນຍາຊາຍແດນ ໃຫ້ແກ່ພະນັກງານ ແລະ ປະຊາຊົນ ທີ່ຢູ່ຕາມບໍລິເວນ ຊາຍແດນ ລາວ-ຫວຽດ ນາມ ໃຫ້ເຂົາເຈົ້າ ສາມາດຮັບຮູ້ ແລະ ເຂົ້າໃຈຕໍ່ລະບຽບການ ຂອງແຕ່ລະປະເທດ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008