banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:451
ມື້ວານນີ້:ມື້ວານນີ້:856
ອາທິດນີ້:ອາທິດນີ້:3971
ເດືອນນີ້:ເດືອນນີ້:8985
ທັງໝົດ:ທັງໝົດ:207948

Lao National Radio

radio

ແຜນທີແຂວງ ອັດຕະປື

administrative map

 

 

ທ່ານ ນາຍົກ ຊີ້ນຳແຂວງອັດຕະປື ພັດທະນາແບບຍືນຍົງ ແລະ ການມີສ່ວນຮ່ວມ ຂອງປະຊາຊົນ ໃນລະຫວ່າງວັນທີ 15-16 ມິຖຸນາ 2016 ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ໄດ້ເດີນທາງ ມາຢ້ຽມຢາມ ແລະ ເຮັດວຽກ ຢູ່ແຂວງອັດຕະປື ໂດຍໄດ້ຮັບການ ຕ້ອນຮັບຢ່າງອົບອຸ່ນ ຈາກທ່ານ ນາມ ວິຍາເກດ ເຈົ້າແຂວງອັດຕະປື ພ້ອມດ້ວຍຄະນະນຳ ຂອງແຂວງ. ຈາກນັ້ນ ກໍ່ໄດ້ມີພິທີ ພົບປະໂອ້ລົມ ພະນັກງານຫຼັງແຫຼ່ງ ອ້ອມຂ້າງແຂວງ ຕະຫຼອດຮອດ ນັກທຸລະກິດ ທີ່ຫໍປະຊຸມ ໃຫຍ່ຂອງແຂວງ ກ່ອນອື່ນ ທ່ານ ນາຍົກລັດຖະມົນຕີ ໄດ້ຮັບຟັງ ການລາຍງານສະພາບ ການພັດທະນາ ເສດຖະກິດ-ສັງຄົມ ຂອງແຂວງ ຈາກ ທ່ານ ເຈົ້າແຂວງອັດຕະປື ໂອກາດສຳຄັນ ດັ່ງກ່າວ ທ່ານ ນາຍົກລັດຖະມົນຕີ ໄດ້ມີຄຳເຫັນ ໂອ້ລົມໃນຫຼາຍບັນຫາ ແຕ່ອັນທີ່ຕິດພັນ ກັບທ້ອງຖິ່ນແມ່ນ ທ່ານໄດ້ຊີ້ນໍາ ໃຫ້ແຂວງອັດຕະປື ສຶກສາຄົ້ນຄ້ວາ ຖອດຖອນບົດຮຽນ ການພັດທະນາແຂວງ ໄລຍະຜ່ານມາ ອັນໃດບໍ່ທັນສອດຄ່ອງ, ຖ້າທຽບໃສ່ຄວາມອຸດົມສົມບູນ ແລະ ທ່າແຮງຂອງແຂວງ.

ຄຽງຄູ່ກັນນັ້ນ ການພັດທະນາ ໃນໄລຍະໃໝ່ ຕ້ອງຮັບປະກັນ ຄວາມຍືນຍົງ, ການລົງທືນ ຕ້ອງຕິດພັນກັບ ການກວດກາ ການຄຸ້ມຄອງ ແລະ ການມີສ່ວນຮ່ວມ ຂອງປະຊາຊົນ ໂດຍຖືເອົາການ ແກ້ໄຂຄວາມທຸກຍາກ ຂອງປະຊາຊົນ ເປັນບູລິມະສິດ ໃນນັ້ນໃຫ້ ເອົາໃຈໃສ່ຊຸກຍູ້, ນໍາພາປະຊາຊົນ ໃຫ້ມີສ່ວນຮ່ວມ ເພື່ອຫັນມາສູ່ຂະບວນການ ຜະລິດເປັນສິນຄ້າ ແລະ ການທໍາມາຫາກິນ ແບບຍືນຍົງ ພ້ອມກັນນັ້ນ ຕ້ອງບຸກທະລຸ ທາງດ້ານກົນໄກ, ກົງຈັກການຈັດຕັ້ງຂັ້ນຕ່າງໆ ເພື່ອຫຼຸດຜ່ອນ ບໍ່ໃຫ້ມີຂອດຂັ້ນ ລະຫວ່າງກາງ ສິ່ງສໍາຄັນແມ່ນ ໃຫ້ເຂົ້າສູ່ລະບຽບການ; ເອົາໃຈໃສ່ປັບປຸງ ກໍ່ສ້າງພະນັກງານ ໃຫ້ມີຄວາມຮັບຜິດຮັບຊອບ ເພື່ອຫັນ ເຂົ້າສູ່ຄຸນນະພາບໃໝ່. ນອກຈາກນີ້ ທ່ານ ນາຍົກລັດຖະມົນຕີ ຍັງໄດ້ຊີ້ນຳ ໃຫ້ແຂວງ ເອົາໃຈໃສ່ຮັບປະກັນ ໃນການເບີກຈ່າຍເງີນເດືອນ ໃຫ້ເປັນປົກກະຕິ ໃນແຕ່ລະເດືອນ. ພ້ອມກັນນັ້ນ ທ່ານ ນາຍົກ ຍັງໄດ້ຊີ້ນຳ ໃຫ້ແຂວງຢຸດການ ອະນຸຍາດ ການສຳຫຼວດ ແລ ຂຸດຄົ້ນແຮ່ທາດຕ່າງໆ. ສໍາລັບການ ຈັດຕັ້ງປະຕິບັດ ຄໍາສັ່ງເລກທີ 15/ນຍ, ລົງວັນທີ 13 ພຶດສະພາ 2016 ວ່າດ້ວຍ ການເພີ່ມທະວີ ຄວາມເຂັ້ມງວດ ໃນການຄຸ້ມຄອງ ແລະ ກວດກາການ ຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້ນັ້ນ ທ່ານ ນາຍົກລັດຖະມົນຕີ ໄດ້ເນັ້ນໜັກ ໃຫ້ແຂວງ ເດັດຂາດບໍ່ໃຫ້ອະນຸຍາດ ເຄື່ອນຍ້າຍ ໄມ້ຢູ່ສະໜາມ 1 ອອກມາສະໜາມ 2 ກໍລະນີຫາກພົບເຫັນ ພະນັກງານ, ເຈົ້າໜ້າທີ່ ແລະທຸກພາກ ສ່ວນທີ່ລະເມີດ ແມ່ນໃຫ້ຈັດຕັ້ງ ປະຕິບັດ ຕາມຂັ້ນຕອນ ລະບຽບກົດໝາຍ ຢ່າງເຂັ້ມງວດ. ເນື່ອງຈາກວ່າ ປ່າໄມ້ເປັນ ຊັບພະຍາກອນ ທີ່ຫວງແຫນ ຂອງຊາດເຮົາ ຕ້ອງໄດ້ປົກປັກຮັກສາ ຊັບພະຍາກອນ ທໍາມະຊາດ ບໍ່ໃຫ້ບົກແຫ້ງ ແລະ ໃຫ້ມີຄວາມຍືນຍົງຕະຫຼອດໄປ.

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008